Лыд 33:52 - Коми Библия 2023

⁵² вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Лыд 33:52 Iomraidhean Croise

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Левит 26:1

«Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.

Индӧд 31:5

Господь сетас найӧс тіян киӧ. Вӧчӧй налы, кыдзи ме тшӧкті тіянлы.

Индӧд 33:29

Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.

Нав Исус 11:15

Кыдзи Господь тшӧктіс Аслас Мӧисей кесйӧглы, сідзи Мӧисей тшӧктіс Исуслы. Исус нинӧм эз торк сыысь, мый Господь тшӧктіс Мӧисейлы.

Нав Исус 23:7

Энӧ сорласьӧй тіян пӧвстын олысь войтыръяскӧд. Энӧ казьтывлӧй налӧн енъяслысь нимъяссӧ да энӧ сетӧй кывнытӧ на водзын, энӧ кесъялӧй да энӧ юрбитӧй налӧн енъяслы.

Нав Исус 9:7

Израильсаяс шуисны локтӧм хивейяслы: «Гашкӧ, ті миянкӧд орччӧн оланныд? Ми огӧ вермӧй тіянкӧд йитӧд кӧртавны».

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?