Лыд 32:33 - Коми Библия 2023

³³ Сэки Мӧисей сетіс Гад да Рувим чужанкотыръяслы, а сідзжӧ Ӧсип Манассейлӧн джын чужанкотырлы аморейяслӧн Сигон ӧксылысь мусӧ да васанса Ог ӧксылысь мусӧ сэтчӧс каръяснас да нагӧгӧрса муяснас.

Лыд 32:33 Iomraidhean Croise

1 Каднебӧг 12:31

Манассейлӧн джын чужанкотырысь вӧліны дас кӧкъямыс сюрс морт, кодъясӧс вӧлі бӧрйӧма да мӧдӧдӧма, медым найӧ пуктісны Давидӧс ӧксыӧ.

1 Каднебӧг 26:32

Сэні олісны кык сюрс сизимсё кужысь морт, найӧ вӧліны рӧдкутысьяс. Давид индіс найӧс кывкутны Енлы кесъялӧм вӧсна да ӧксылӧн юралӧм вӧсна Рувимсянь да Гадсянь чужысьяс пӧвстын да Манассейлӧн джын чужанкотырыс пӧвстын.

1 Каднебӧг 5:18

Рувимсянь да Гадсянь чужысьяс пӧвстын да Манассейлӧн джын чужанкотырыс пӧвстын вӧлі нелямын нёль сюрс сизимсё квайтымын тышкаморт. Найӧ вӧліны вынаӧсь, новлӧдлісны сайӧд да шыпурт, кужисны лыйсьыны ньӧввужйысь да тышкасьны.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Лыд 32:32

Господь водзын ми босьтам шыпуртнымӧс, медым петны тышӧ, да мунам Ханаан муӧ, но муыс мед вичмас миянлы Йӧрдан ю таладорысь».

Лыд 34:14

Ӧд Рувим да Гад чужанкотыръяс да Манассейлӧн джын чужанкотырыс босьтісны нин ассьыныс пайсӧ.

Лыд 34:15

Найӧ босьтісны мунысӧ Йӧрдан ю да Ерикон кар асыввылысь».

Индӧд 29:8

Босьтім налысь мусӧ да сетім сійӧс Рувим да Гад чужанкотыръяслы да Манассейлӧн джын чужанкотырлы.

Нав Исус 12:1

Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

Нав Исус 12:6

Мӧисей, Господьлӧн кесйӧг, да Израиль пиян пасьвартісны тайӧ ӧксыяссӧ. Мӧисей сетіс тайӧ муяссӧ Рувим да Гад чужанкотыръяслы да Манассейлӧн джын чужанкотырлы.

Нав Исус 14:3

Кык чужанкотырлы да [Манассейлӧн] джын чужанкотырлы Мӧисей сетіс мусӧ Йӧрдан асыввылысь. Левитъяслы мусӧ эз сет.

Нав Исус 22:4

Ӧні Господь, тіян Енныд, Аслас кӧсйысьӧм серти сетіс вокъясныдлы лӧнь олӧм. Та вӧсна ті верманныд бӧр мунны асланыд оланінӧ, асланыд муӧ, мый Йӧрдан ю сайысь сетіс тіянлы Мӧисей, Господьлӧн кесйӧг.

Нав Исус 22:7

Манассейлӧн джын чужанкотырлы Мӧисей сетіс мусӧ Васанысь, а мӧд джыныслы мусӧ Исус сетіс Йӧрдан ю рытыввылысь вокъясыскӧд орччӧн. Кор Исус бурсиӧмӧн лэдзис мунысьясӧс,

Ӧксыяслӧн 1 небӧг 13:7

Мукӧдыс вуджисны Йӧрдан ю сайӧ, Гад чужанкотырлӧн муӧ да Галаад муӧ. Саул кольччис Галгалӧ. Йӧзыс, кодъяс вӧліны сыкӧд, ёна полісны.