Лыд 3:32 - Коми Библия 2023

³² Левитъяслӧн веськӧдлысьяс бӧрся видзӧдіс Аарон поплӧн Элазар пиыс. Сылӧн веськӧдлӧм улын вӧліны йӧз, кодъяс кывкутісны вежаин вӧсна.

Лыд 3:32 Iomraidhean Croise

Ӧксыяслӧн 4 небӧг 25:18

Навузардан, ӧксыӧс видзысьяслӧн юралысь, босьтіс Серай аркирейӧс да сылы отсасьысь Софоний попӧс, тшӧтш крам пыранін видзысь куим попӧс.

Ездра 7:5

Букки – Авишуйлӧн, Авишуй – Пинеслӧн, Пинес – Элазарлӧн, Элазар – Аарон аркирейлӧн пи.

Езекиль 40:45

Морт шуис меным: «Лунвылӧ видзӧдысь керкаыс – крамын кесъялысь попъяслы.

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Лыд 3:33

Мерарисянь петӧны Махлилӧн да Мушилӧн рӧдъясыс.

Лыд 4:16

Аарон поплӧн Элазар пиыс мед кывкутас би дозйӧ кисьтан вый да чӧскыд дука тшынӧдчантор вӧсна, быдлунся нянь вись да мавтыштан вый вӧсна. Сійӧ мед кывкутас вежа чом вӧсна да вежаинса став дозмук-кӧлуй вӧсна».

Лыд 4:27

Ааронлӧн да пияныслӧн тшӧктӧм серти Гирсон пиян мед кесъяласны да тӧждысясны вежаинса став кӧлуйыс вӧсна, мый налы колӧ новлӧдлыны.

Лыд 4:40

Налӧн лыдыс вӧлі кык сюрс квайтсё комын морт.

Лыд 8:26

Найӧ вермасны отсасьны вокъясыслы видзны вежа чомсӧ, но кесъявнысӧ налы оз позь. Тадзи тэ лӧсьӧд левитъяслысь кесъялӧмсӧ».