Лыд 28:19 - Коми Библия 2023

¹⁹ Вайӧй Господьлы сотан вись пыдди кык ӧшкӧс, ӧти межӧс да арӧса сизим баляӧс. Ставныс найӧ мед вӧліны дзоньвидзаӧсь.

Лыд 28:19 Iomraidhean Croise

2 Каднебӧг 35:12

Левитъяс торйӧдісны висьяслысь юкӧнъяссӧ, мый колӧ вӧлі вайны сотан вись пыдди, да юклісны войтырыслы рӧд сертиныс, медым вись вайны Господьлы, кыдзи гижӧма Мӧисей небӧгын.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 22:20

Энӧ вайӧй Господьлы вись пыдди пемӧсӧс, кодлӧн эм кутшӧмкӧ тырмытӧмтор. А ваянныд кӧ, ті онӧ лоӧй шогманаӧсь Господьлы.

Лыд 28:20

Накӧд ӧтлаын нянь вись пыдди вайӧй олив выйӧн гудралӧм шобді пызь. Ефа мында пызьсӧ юкӧй дас пельӧ, сэтысь вайӧй куимсӧ быд ӧшкӧд, кыксӧ межкӧд,

Лыд 28:31

Тайӧ висьяссӧ да накӧд кисьтан висьяссӧ вайӧй [Меным] быдлунся сотан висьысь да нянь висьысь ӧтдор. Вись пыдди вайӧм пемӧсныд мед вӧлі дзоньвидза.

Лыд 29:8

Господьлы чӧскыда ӧвтысь сотан вись пыдди вайӧй ӧшкӧс, межӧс да арӧса сизим баляӧс, найӧ мед вӧліны дзоньвидзаӧсь.

Индӧд 15:21

Но пемӧсныд кӧ абу дзоньвидза, сійӧ кӧ чотысь, синтӧм либӧ сылӧн кӧ эм мӧдпӧлӧс ыджыд тырмытӧмтор, татшӧмсӧ Господьлы, асланыд Енлы, энӧ вайӧй.

Индӧд 16:2

Вайӧй Господьлы, асланыд Енлы, ыджыдлунся вись пыдди ыж-кӧзаӧс да ӧш-мӧскӧс. Начкӧй висьсӧ сійӧ местаас, мый Господь бӧръяс Аслас нимлы оланінӧн.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.