Лыд 28:14 - Коми Библия 2023

¹⁴ Кисьтан вись пыдди вайӧй быд ӧшкӧд гин джын вина, межкӧд – гинлысь коймӧд пайсӧ, быд балякӧд – гинлысь нёльӧд пайсӧ. Во гӧгӧр чӧж быд выль тӧлысь чужигӧн вайӧй татшӧм сотан висьсӧ.

Лыд 28:14 Iomraidhean Croise

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Исай 1:13

Тырмас нин ваявны Меным ковтӧм висьяснытӧ, Меным зывӧк налӧн тшынӧдчан дукыс! Ме мустӧмта выль тӧлысь да шойччан лун пасйӧмнытӧ, мустӧмта Ме водзӧ гажӧдчыны чукӧртчӧмнытӧ. Ті вӧчанныд мыж, но чукӧртчанныд Ме водзӧ гажӧдчыны – тайӧс Ме мустӧмта.

Еремей 48:35

Ме бырӧда моавсаясӧс, кодъяс вись вайӧны мылькъяс вылын да тшынӧдчӧны асланыс енъяслы, – висьталӧ Господь.

Езекиль 46:4

Шойччан лунӧ ӧксы мед вайӧ Господьлы сотан вись пыдди дзоньвидза квайт баляпиӧс да дзоньвидза ӧти межӧс.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Лыд 15:5

Нӧшта вайӧй кисьтан вись пыдди вина – гинлысь нёльӧд пайсӧ быд балякӧд, мый ваянныд [Господьлы чӧскыда ӧвтысь] сотан вись либӧ начкан вись пыдди.

Лыд 15:9

сыкӧд ӧтлаын вайӧй нянь вись пыдди олив выйӧн гудралӧм шобді пызь. Та могысь ефа мында пызьсӧ юкӧй дас пельӧ и сэтысь босьтӧй куимсӧ, а выйсӧ босьтӧй гин джын мында.

Лыд 28:13

а быд балякӧд вайӧй ефалысь дасӧд юкӧнсӧ. Тайӧ – сотан вись, Господьлы чӧскыд ӧвтантор.

Лыд 28:15

Мыжысь вись пыдди вайӧй Господьлы ӧти ай кӧзаӧс. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Лыд 28:7

Ӧти баляыскӧд вайӧй кисьтан вись пыдди вина – гинлысь нёльӧд пайсӧ. Вежаинын вайӧй сійӧс кисьтан вись пыдди Господьлы.

Лыд 29:18

Ӧш, меж да баля лыд серти накӧд ӧтлаын вайӧй колана мында нянь вись да вина вись, кыдзи тшӧктӧма.