Лыд 26:65 - Коми Библия 2023

⁶⁵ Ӧд Господь вӧлі шуӧма налы, мый куласны овтӧминын. Ефуннилӧн Калев пи да Навлӧн Исус пи кындзи наысь некод ловйӧн эз коль.

Лыд 26:65 Iomraidhean Croise

Псалтыр 37:9

Ме дзикӧдз вынтӧмми да жугалі, сьӧкыда ружта сьӧлӧмпытшса дойысь.

Петӧм 12:37

Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Лыд 14:26

Господь шуис Мӧисейлы да Ааронлы:

Лыд 14:32

Ті куланныд тайӧ овтӧминас.

Лыд 14:35

Тадзи шуа Ме, Господь, и тадзи вӧча тайӧ шогмытӧм войтырыслы, Меным паныд кыпӧдчысьяслы. Тайӧ овтӧминас найӧ куласны, тані воас налы пом».

Лыд 14:38

На пӧвстысь, кодъяс ветлісны видзӧдавны Ханаан му, ловйӧн колины сӧмын Навлӧн Исус пиыс да Ефуннилӧн Калев пиыс.

Лыд 27:3

«Миян батьным куліс овтӧминын. Сійӧ куліс аслас мыж вӧсна, эз ӧтувтчы Корейкӧд, эз вӧв Господьлы паныд кыпӧдчысьяс лыдын. Батьлӧн эз вӧвны пияныс.

Лыд 34:19

Иуда чужанкотырысь Ефуннилысь Калев писӧ,

Римӧ 11:22

Тӧд, мый Енмыс бур сьӧлӧма, но овлӧ чорыдӧн. Чорыд усьӧмаяс дінӧ, бур сьӧлӧма тэ дінӧ, сӧмын кутчысян кӧ Сылӧн бурлунӧ. Он кӧ, тэнӧ тшӧтш керыштасны.

Индӧд 1:36

Сійӧ мусӧ аддзас сӧмын Ефуннилӧн Калев пиыс, ӧд сійӧ кывзысис Менсьым. Сылы да сысянь чужысьяслы Ме, Господь, сета мусӧ, кытчӧ сійӧ кокнас тувччыліс”.

Нав Исус 5:4

[Египетысь петӧм бӧрын овтӧминті мунігкості чужӧм Израиль пиян вӧліны вундыштчытӧмӧсь.] Исус вундыштіс став айуловсӧ, ӧд Египетысь петӧм бӧрын ставныс, кодъяс вермисны петны тышӧ, овтӧминын кулалісны.

Иуда 1:5

Ті, дерт, тӧданныд нин ставсӧ, но кӧсъя казьтыштны тіянлы, мый Господь мездіс Ассьыс войтырсӧ Египет муысь, но бӧрыннас на пӧвстысь бырӧдіс эскытӧмъясӧс.