Лыд 25:18 - Коми Библия 2023

¹⁸ Ӧд вӧрӧг моз найӧ ылӧдлісны тіянӧс, наяна ышӧдісны юрбитны асланыс Пеор идоллы. Тайӧс вӧчисны мадианса юралысьлӧн Козби ныв отсӧгӧн. Пинес виис тайӧ аньсӧ, кор Пеор идоллы юрбитӧм вӧсна Израиль войтырӧс суис бырӧдӧм».

Лыд 25:18 Iomraidhean Croise

Олӧм 26:10

Авимелек шуис: «Мый тэ миянкӧд вӧчин! Менам войтырысь ӧти морт муртса эз узь сыкӧд, тадзи тэ вӧсна ми эськӧ ставным мыжмим».

Олӧм 3:13

Господь Ен юаліс аньлысь: «Мыйла тэ тайӧс вӧчин?» Сійӧ шуис: «Змей ылӧдліс менӧ, и ме сёйи».

Ӧксыяслӧн 3 небӧг 11:18

Мадиан му эновтӧм бӧрын найӧ воисны Паранӧ. Сэтысь босьтісны аскӧдныс сэтчӧс олысьяссӧ да мунісны Египетӧ фараон, египетса ӧксы, дінӧ. [Хадад пырис фараон дінӧ.] Фараон сетіс Хададлы керка, му да сёян-юан.

Петӧм 32:21

Мӧисей юаліс Ааронлысь: «Тайӧ войтырыс кутшӧм лёк вӧчис тэныд, мый татшӧм ыджыд мыжӧ тэ уськӧдін найӧс?»

Петӧм 32:35

Господь мыждіс войтырсӧ ӧш вӧсна, кодӧс вӧчисны найӧ Ааронкӧд.

Лыд 25:15

Виӧм мадианса аньӧс шуисны Козби, сылӧн батьыс вӧлі Цур, мадианса чужанкотырлӧн юралысь.

Лыд 25:17

«Уськӧдчӧй мадиансаяс вылӧ да виалӧй найӧс.

Лыд 26:1

Войтырӧс бырӧдӧм бӧрын Господь шуис Мӧисейлы да Аарон поплӧн Элазар пиыслы:

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.