Лыд 22:7 - Коми Библия 2023

⁷ Моавса да мадианса юрнуӧдысьяс локтісны Валаам дінӧ, медым мынтысьны сылы ёрӧмысь. Найӧ висьталісны сылы Валаклысь кывъяссӧ.

Лыд 22:7 Iomraidhean Croise

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Лыд 22:8

Валаам шуис: «Кольччӧй ме ордӧ вой кежлас, а асывнас ме висьтала, мый шуас меным Господь». Моавса юрнуӧдысьяс кольччисны Валаам ордӧ.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Лыд 24:1

Валаам казяліс, мый Израильӧс бурсиӧмыс шогмана Господьлы, и сійӧ воддза мозыс эз нин мун тунасьны. Сійӧ видзӧдліс овтӧминлань

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Нав Исус 13:22

Израиль пиян виисны тшӧтш Веорлысь Валаам писӧ, коді вӧлі тунасьысь.

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.