Лыд 22:23 - Коми Библия 2023

²³ Осёл аддзис, мый туй вылын сулалӧ Господьлӧн анделыс перйӧм шыпуртӧн, да вешйис видз-му вылӧ. Валаам кутіс кучкавны осёлсӧ, медым бӧр бергӧдны сійӧс туй вылӧ.

Лыд 22:23 Iomraidhean Croise

Ӧксыяслӧн 4 небӧг 6:17

Сэсся Елисей кевмысис: «Господьӧй, восьт менам кесйӧглысь синсӧ, мед сійӧ аддзас». Господь восьтіс кесйӧглысь синсӧ, и мӧдыс аддзис, мый Елисей гӧгӧр керӧс пасьтала сулалӧны биа вӧвъяс да тарантасъяс.

1 Каднебӧг 21:16

Давид лэптіс синсӧ да аддзис Господьлысь анделсӧ, коді сулаліс енэжа-муа костас. Киас сійӧ кутіс перйӧм шыпурт. Шыпуртсӧ вӧлі нюжӧдӧма Ерусалимлань. Давид да израильса юрнуӧдысьяс усисны чужӧм выланыс. Найӧ вӧлі пасьтасьӧмаӧсь шогалан паськӧмӧ.

Еремей 8:7

Аист тӧдӧ ассьыс кадсӧ, гулю, чикыш да тури тшӧтш тӧдӧны, кор налы бергӧдчыны гортаныс, но Менам войтырӧй оз тӧд Менсьым Индӧдӧс.

Даниил 10:7

Ме, Даниил, сӧмын ӧтнамӧн аддзылі тайӧ петкӧдчылӧмсӧ, а мекӧд орччӧн сулалысь йӧзыс эз аддзывны сійӧс, но найӧс ыджыд полӧм босьтіс, и найӧ котӧртісны да дзебсисны.

Лыд 22:22

Валаам пуксис осёл вылас, и сыкӧд мунісны сылӧн кык кесйӧгыс. Ен скӧрмис, мый Валаам петіс туйӧ. Туй вылас Валаамлы паныд сувтіс Господьлӧн андел.

Лыд 22:24

Господьлӧн андел сувтіс виноград йӧркостса векни туй вылӧ, кӧні ӧтар-мӧдар пӧлӧныс вӧлі стен.

Ап. уджъяс 22:9

Мекӧд локтысьяс кор аддзӧмаӧсь югыдсӧ, ёна повзьӧмаӧсь, а ме дінӧ шыасьӧмсӧ найӧ абу кывлӧмаӧсь.

Нав Исус 5:13

Ерикон кар дорын Исус аддзис ас водзас сулалысь мортӧс. Сійӧ вӧлі перйӧма шыпуртсӧ. Исус матыстчис сы дінӧ да юаліс: «Тэ миян дор али миянлы паныд?»

2 Петыр 2:16

Но сійӧс янӧдӧма вӧлі лёктор вӧчӧмсьыс: осёл, кывтӧм пемӧс, морт моз шыасис пророк дінӧ да ӧлӧдіс сійӧс йӧйталӧмсьыс.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.