Лыд 22:17 - Коми Библия 2023

¹⁷ Ме пӧ бурӧ пукта тэнӧ да вӧча ставсӧ, мый кӧсъян. Волы пӧ да ёр Египетысь локтӧм войтырӧс».

Лыд 22:17 Iomraidhean Croise

Эсфир 5:11

Аман ошйысис налы аслас ыджыд озырлунӧн, ошйысис, мый сылӧн уна пи, и мый ӧксы ыдждӧдліс сійӧс да кыпӧдіс аслас юралысьясысь да веськӧдлысьясысь медвылӧ.

Эсфир 7:9

Харвон, ӧксылӧн евнукъясысь ӧти, шуис: «Аман керка дорын сулалӧ ветымын гырддза судта пу сюръя. Сійӧ сувтӧдліс сюръясӧ Мардокейлы, коді мездіс ӧксылысь олӧмсӧ». Ӧксы воча шуис: «Ӧшӧдӧй сэтчӧ Аманӧс».

Лыд 22:16

Найӧ локтісны Валаам дінӧ да шуисны: «Сеппорлӧн Валак пиыс висьталӧ, волы пӧ ме дінӧ, эн пыксьы.

Лыд 22:37

Валак юаліс Валаамлысь: «Мыйла тэ эн лок, кор ме медводдзаысьсӧ мӧдӧдлі тэла ассьым йӧзӧс? Ме ӧмӧй ог куж пыдди пуктӧмӧн сибӧдны тэнӧ?»

Лыд 22:6

Кора тэнӧ, волы да ёр тайӧ войтырсӧ, ӧд сійӧ ме дорысь ёнджык. Гашкӧ, сэсся ме верма пасьвартны да вӧтлыны найӧс татысь. Ме тӧда: кодӧс тэ бурсиан, сійӧс лоӧ бурсиӧма, а кодӧс тэ ёран, сійӧс лоӧ ёрӧма».

Лыд 24:11

Мун, кытысь локтін! Ме кӧсйи бурӧ пуктыны тэнӧ, но Господь эз лэдз».

Матвей 14:7

Сійӧ кыв сетӧмӧн кӧсйысис нывлы: «Сета тэныд, мый коран».

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Индӧд 16:9

«Сійӧ лунсяньыс, кор понданныд чарлаӧн вундыны няньнытӧ, лыддьӧй сизим вежон.