Лыд 21:24 - Коми Библия 2023

²⁴ Израиль вермис Сигонӧс, босьтіс сылысь мусӧ Арнон юсянь Явок юӧдз, кысянь заводитчис аммон войтырлӧн муыс. Аммон войтыр бура видзис ассьыс мудорсӧ.

Лыд 21:24 Iomraidhean Croise

Олӧм 32:22

Войнас Яков чеччис, босьтіс кыкнан гӧтырсӧ, кыкнан кесйӧг аньсӧ, дас ӧтикнан писӧ да келӧмӧн вуджис Явок ю.

Неемий 9:22

Тэ сетін налы муяс да войтыръясӧс, юклін налы мусӧ. Найӧ босьтісны хешбонса Сигон ӧксылысь мусӧ да васанса Ог ӧксылысь мусӧ.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Лыд 21:13

Заред ковтыссянь водзӧ мунісны да сувтісны овтӧминӧ, Арнон ю мӧдлапӧлӧ, аморейяслӧн му бокӧ. Моав му вӧлі паськӧдчӧма Арнон юӧдз, юыс торйӧдіс моавсаясӧс да аморейясӧс.

Индӧд 1:4

Таӧдз Мӧисей пасьвартіс Сигон да Ог ӧксыясӧс. Аморейяслӧн Сигон ӧксы юраліс Хешбон карын, а васанса Ог ӧксы – Аштарот да Эдрей каръясын.

Индӧд 29:7

Кор ми локтім татчӧ, хешбонса Сигон ӧксы да васанса Ог ӧксы уськӧдчисны миян вылӧ, но ми пасьвартім найӧс.

Индӧд 3:16

а Рувим да Гад чужанкотыръяслы сеті мусӧ Галаад му бокті визувтысь Явок юсянь Арнон юӧдз. Асыввылын налӧн муыс паськӧдчӧ аммон войтырлӧн муӧдз.

Индӧд 31:4

И тайӧ войтыръясыслы Господь вӧчас сійӧ жӧ, мый вӧчис Сигонлы да Оглы, [Йӧрдан ю таладорын олысь] аморейяслӧн ӧксыяслы, кор бырӧдіс найӧс да налысь мусӧ.

Индӧд 4:46

Йӧрдан сайын, Бет-Пеорлы воча ковтысын, аморейяслӧн Сигон ӧксылӧн муын. Сигон юраліс Хешбон карын, но сійӧс пасьвартісны Мӧисей да Израиль пиян Египетысь петӧм бӧрын.

Нав Исус 13:12

Васан муыс вӧлі Ог ӧксылӧн, коді юраліс Аштарот да Эдрей каръясын. Сійӧ вӧлі рефа войтырысь медбӧръя морт. Мӧисей вермис тайӧ войтырсӧ да босьтіс налысь мусӧ.

Нав Исус 24:8

Сэтысь Ме вайӧді тіянӧс аморейяслӧн муӧ, Йӧрдан ю сайӧ. Найӧ уськӧдчисны тіян вылӧ, но Ме сеті найӧс тіян киӧ. Ме бырӧді найӧс тіян водзысь, и ті босьтінныд налысь мусӧ.

Нав Исус 9:10

да аморейяслӧн кык ӧксылы Йӧрдан сайын, хешбонса Сигон ӧксылы да васанса Ог ӧксылы, коді оліс Аштаротын [да Эдрейын].

Ёрдысьяс 10:11

Господь вочавидзис налы: «Египетсаяс, аморейяс, аммонсаяс, филистимсаяс

Ёрдысьяс 11:13

Аммон войтырлӧн ӧксы шуис Еффайлӧн юӧртысьяслы: «Египетысь петӧм бӧрын Израиль войтыр босьтіс менсьым муӧс Арнон юсянь Явок юӧдз да Йӧрдан юӧдз. Бурӧн бӧр сет сійӧс меным [и ме вешъя]».

Ёрдысьяс 21:8

Нӧшта юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны Миспаӧ Господь водзӧ?» Вӧлӧмкӧ, Галаад муысь Явис карысь некод абу вӧлӧма чукӧртчанінын.