Лыд 20:6 - Коми Библия 2023

⁶ Мӧисей да Аарон колисны войтырсӧ да мунісны вежа чом пыранін дорӧ. Сэні найӧ кымынь уськӧдчисны муас, и Господьлӧн дзирдлуныс петкӧдчис налы.

Лыд 20:6 Iomraidhean Croise

1 Каднебӧг 21:16

Давид лэптіс синсӧ да аддзис Господьлысь анделсӧ, коді сулаліс енэжа-муа костас. Киас сійӧ кутіс перйӧм шыпурт. Шыпуртсӧ вӧлі нюжӧдӧма Ерусалимлань. Давид да израильса юрнуӧдысьяс усисны чужӧм выланыс. Найӧ вӧлі пасьтасьӧмаӧсь шогалан паськӧмӧ.

Петӧм 16:10

Кор Аарон висьталіс Израиль войтырлы, найӧ бергӧдчисны овтӧминлань, кӧні кымӧр пытшкын петкӧдчис Господьлӧн дзирдлуныс.

Петӧм 17:4

Мӧисей шыасис Господь дінӧ: «Мый меным вӧчны тайӧ войтырыскӧд? Регыд менӧ изъяласны».

Лыд 12:5

Господь лэччис кымӧр сюръя пытшкын да сувтіс вежа чом пыранін дорӧ. Сійӧ корис Ааронӧс да Мирьямӧс, и найӧ матыстчисны.

Лыд 14:10

Войтырыс кӧсйис изъявны Исусӧс да Калевӧс, но Господьлӧн дзирдлуныс [кымӧрӧн] петкӧдчис вежа чомйын став Израиль пиянлӧн син водзын.

Лыд 14:5

Мӧисей да Аарон кымынь уськӧдчисны муӧ став Израиль войтыр водзӧ.

Лыд 16:19

Корей чукӧртіс вежа чом пыранін дорӧ став войтырсӧ, медым Мӧисейлы да Ааронлы паныд кыпӧдны найӧс. Сэки став войтырыс аддзис Господьлысь дзирдлунсӧ.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 16:4

Тайӧс кылӧм бӧрын Мӧисей кымынь уськӧдчис муас.

Лыд 16:42

Кор войтырыс чукӧртчис Мӧисей да Аарон дінӧ, найӧ бергӧдчисны вежа чомлань да аддзисны, кыдзи чомсӧ вевттис кымӧр, и сэні петкӧдчис Господьлӧн дзирдлуныс.

Лыд 16:45

«Вешйӧй тайӧ войтырыс дінысь! Найӧс ставнысӧ Ме бырӧда ӧти здукӧн». Но Мӧисей да Аарон кымынь уськӧдчисны муас.

Лыд 20:7

Господь шуис Мӧисейлы:

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.