Лыд 19:21 - Коми Библия 2023

²¹ Тайӧ тшӧктӧмыс тіянлы нэмъяс кежлӧ. Сӧстӧммӧдчан ваӧн резысь мед тшӧтш мыськалас ассьыс паськӧмсӧ. Сӧстӧммӧдчан ваӧ инмӧдчылысь рытӧдзыс лоӧ пеж.

Лыд 19:21 Iomraidhean Croise

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Левит 11:40

Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Лыд 18:23

Сӧмын левитъяс мед кесъяласны вежа чом бердын да нуасны мыжнысӧ, торкасны кӧ вежаин йылысь тшӧктӧмъяссӧ. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз. Израиль пиян пӧвстын левитъяслы муыс оз ло.

Лыд 19:10

Пӧим чукӧртысь мед мыськалас паськӧмсӧ. Рытӧдзыс сійӧ лоӧ пеж. Израиль пиянлы да йӧз муысь локтысьяслы тайӧ тшӧктӧмыс нэмъяс кежлӧ.

Лыд 19:7

Элазар поп мед мыськалас паськӧмсӧ, ачыс мыссяс, та бӧрын вермас бӧр локны чомъяс дорӧ. Рытӧдзыс сійӧ лоӧ пеж.

Лыд 19:8

Мӧскӧс сотысь мед тшӧтш мыськалас паськӧмсӧ да ачыс мыссяс. Рытӧдзыс сійӧ лоӧ пеж.

Еврейяслы 10:4

ӧд ӧшлӧн да кӧзалӧн вирыс оз вермы бырӧдны мортлысь мыжъяссӧ.

Еврейяслы 7:19

Ӧд Индӧдыс нинӧм эз вермы вайӧдны тыр-бурӧдз. Но миянлы сетӧма лача, коді ёна бурджык Индӧдыс дорысь. Тайӧ лачаыс отсӧгӧн ми матыстчам Ен дінӧ.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.