Лыд 18:20 - Коми Библия 2023

²⁰ Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Лыд 18:20 Iomraidhean Croise

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Псалтыр 142:5

Ме казьтывла важ олӧмӧс, мӧвпала став Тэнад уджъяс йылысь, мый вӧчин Аслад киӧн.

Псалтыр 16:5

Ёнмӧд менсьым воськовъясӧс, медым менам кокӧй эз кеж Тэнад туйысь.

Бӧрданкыв 3:24

Менам эм Господь, – висьталӧ сьӧлӧмӧй, – та вӧсна ме Сы вылӧ лача кута.

Езекиль 44:28

Ме – попъяслӧн пайыс, Израиль муысь энӧ сетӧй налы му пай. Ме – налӧн овмӧсыс.

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 26:62

Арталӧма-гижалӧма вӧлі кызь куим сюрс левитӧс. На лыдӧ пырисны тӧлысьысь ыджыдджык арлыда айулов. Мукӧд Израиль пиянкӧд ӧтвыв левитъясӧс эз артавны-гижавны, ӧд мукӧд Израиль пиян пӧвстын налы мусӧ эз вӧв сетӧма.

Индӧд 10:9

Та вӧсна Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи шуис Господь, тіян Енныд.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 14:27

Левитӧс, коді олӧ тэнад карын, эн вунӧд, ӧд сылӧн абу му юкӧныс, а тэнад эм.

Индӧд 14:29

медым левитъяс, кодъяслӧн абу му юкӧныс, а сідзжӧ йӧз муысь локтысьяс, батьтӧм-мамтӧмъяс да дӧваяс, кодъяс олӧны тэнад карын, вермисны локны да пӧттӧдзныс сёйны. Сэки Господь, тэнад Енмыд, бурсиас тэнӧ быд уджын».

Нав Исус 13:14

Сӧмын Левий чужанкотырлы Мӧисей эз сет мусӧ. Налӧн пайыс – висьяс, мый Израиль войтыр вайӧ Господьлы, аслас Енлы. Тадзи лӧсьӧдіс Господь. [Йӧрдан сайысь, Ериконлы воча Моав ласта вылысь Мӧисей юкліс му Израиль чужанкотыръяслы тадзи:]

Нав Исус 13:33

Но Левий чужанкотырлы Мӧисей мусӧ эз сет. Налӧн пайыс – Господь, Израильлӧн Ен, кыдзи Сійӧ Ачыс шуис налы.

Нав Исус 14:3

Кык чужанкотырлы да [Манассейлӧн] джын чужанкотырлы Мӧисей сетіс мусӧ Йӧрдан асыввылысь. Левитъяслы мусӧ эз сет.

Нав Исус 18:7

Левитъяслы тіян пӧвстын муыс оз ло, ӧд налӧн пайыс – кесъявны Господьлы попъясӧн. Гад да Рувим чужанкотыръяс да Манассейлӧн джын чужанкотырыс босьтісны нин му Йӧрдан асыввылысь. Налы сійӧс сетіс Мӧисей, Господьлӧн кесйӧг».

Восьтӧм 21:3

Ме кылі енэжсянь гора шы. Сійӧ шуис: – Со, мувывса йӧз пӧвстын Енлӧн оланін! Енмыс кутас овны накӧд, найӧ лоӧны Сылӧн войтырӧн. Ачыс Енмыс лоас накӧд, да лоӧ налӧн Енмӧн,