Лыд 18:19 - Коми Библия 2023

¹⁹ Став вежа вайӧмторсӧ, мый Израиль пиян вайӧны Меным, Ме сета тэныд да тэнад ныв-пилы. Тайӧ тшӧктӧмыс нэмъяс кежлӧ. Тэныд да тэсянь чужысьяслы тайӧс кӧсйысьӧма нэмъяс кежлӧ, и тайӧ Господь водзын кӧрталӧм вежсьывлытӧм йитӧд кодь».

Лыд 18:19 Iomraidhean Croise

Ӧксыяслӧн 4 небӧг 12:16

Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы.

2 Каднебӧг 13:5

Ті ӧд тӧданныд, мый Господь, Израильлӧн Ен, пыр кежлӧ сетіс Израильын ӧксыалӧмсӧ Давидлы да сысянь чужысьяслы да пыр кежлӧ кӧрталіс накӧд вежсьывлытӧм йитӧд.

2 Каднебӧг 31:4

Ерусалимын олысьяслы ӧксы тшӧктіс, медым найӧ сетасны попъяслы да левитъяслы олӧм вылӧ колана пай. Тадзи попъяс да левитъяс ассьыныс олӧмсӧ вермисны сины Господьлысь Индӧд збыльмӧдӧмлы.

Петӧм 29:27

Вежӧд межыслысь морӧсвыв яйсӧ, мый колӧ вайны пыркӧдан вись пыдди, да задвыв яйсӧ, мый колӧ вайны кыпӧдлан вись пыдди. Межыслӧн тайӧ юкӧнъясыс лоӧны Ааронлы да сылӧн пиянлы.

Езекиль 43:24

Господь водзӧ. Попъяс мед койыштасны на вылӧ сов да ваясны сотан вись пыдди Господьлы.

Левит 2:13

Став нянь висьнытӧ солалӧй, солавтӧм вись энӧ вайӧй, ӧд солыс петкӧдлӧ тіян Енлысь йитӧдсӧ, мый сійӧ кӧрталіс тіянкӧд. Та вӧсна [Господьлы, асланыд Енлы] став вайӧмторнытӧ солалӧй.

Левит 21:22

Но сылы позьӧ сёйны Енлы вись пыдди вайӧм вежатор да вежасьыс-вежатор.

Левит 7:14

Быдсикас няньысь ӧтиӧс вись вайысь мед вайӧ Господьлы, и сійӧ вичмӧ поплы, коді резӧ бурасян вись вирнас.

Лыд 18:11

Тэныд да ныв-пиыдлы вичмӧ Израиль пиянлӧн пыркӧдан вись. Тайӧ тшӧктӧмыс нэмъяс кежлӧ. Тэнад котырысь быдӧн, коді сӧстӧм, вермас сёйны сійӧс.

Лыд 18:8

Господь шуис Ааронлы: «Ме пукта тэнӧ кывкутны Меным вайӧмторъяс вӧсна. Став вежа вайӧмторсьыс, мый Израиль пиян вайӧны Меным, Ме сета тэныд да тэнад пиянлы пай. Тайӧ тшӧктӧмыс нэмъяс кежлӧ.

Лыд 31:29

Сет найӧс Элазар поплы. Тайӧ Господьлы козин.

Лыд 31:41

Господьлысь юкӧнсӧ Мӧисей сетіс Элазар поплы, кыдзи Господь тшӧктіс Мӧисейлы.

Индӧд 12:26

Вайӧй вежа вайӧмторъяснытӧ да кыв сетан висьяснытӧ сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ].

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.