Лыд 16:40 - Коми Библия 2023

⁴⁰ кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Лыд 16:40 Iomraidhean Croise

Ездра 2:62

Найӧ корсисны чужанвуж гижӧдъясысь нимъяснысӧ, но эз аддзыны. Та вӧсна найӧс эз пыртны попъяс лыдӧ.

Псалтыр 115:10

Господьлӧн крам йӧрын, Ерусалим кар шӧрын. Аллилуйя!

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».

Езекиль 43:19

сет ӧшкӧс Левий чужанкотырысь Садок рӧдысь попъяслы, кодъяслы лэдзӧма матыстчыны Ме дінӧ Меным кесъялӧм могысь, – висьталӧ Господь Ыджыдыс. – Найӧ мед начкасны ӧшкӧс мыжысь вись пыдди.

Левит 22:10

Бокыса мортлы вежа вайӧмторъяс сёйны оз позь. Поп ордӧ овмӧдчӧм либӧ медалӧм морт мед оз сёйны вежа вайӧмторъяс.

Лыд 1:51

Левитъяс мед разясны вежа чомсӧ, кор сійӧс ковмас вуджӧдны. А Израиль войтырлӧн выль местаӧ локтӧм бӧрын левитъяс мед бара сувтӧдасны сійӧс. Бокыса морт кӧ матыстчас вежа чом дорӧ, сійӧс лоӧ виӧма.

Лыд 16:39

Элазар поп чукӧртіс биӧн сотӧм айуловлысь ыргӧнысь вӧчӧм тшынӧдчан дозъяссӧ. Тайӧ дозъяссӧ лямӧдісны, сэсся эжисны висьпуктанін,

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Лыд 3:38

Вежа чом водзӧ асыввылӧ сувтӧдісны чомъяссӧ Мӧисей да Аарон пияныскӧд, кодъяс Израиль пиян пыдди кывкутісны вежаин вӧсна. Вежа чом дорӧ матыстчысь бокыса мортӧс колӧ вӧлі вины.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.