Лыд 14:3 - Коми Библия 2023

³ Мыйла Господь нуӧдӧ миянӧс Ханаан муӧ? Сэні ми шыпурт помысь кулам, а гӧтыръясным да ныв-пиным шедасны вӧрӧг киӧ! Гашкӧ, бурджык бӧр бергӧдчыны Египетӧ?»

Лыд 14:3 Iomraidhean Croise

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Петӧм 5:21

Найӧ шуисны Мӧисейлы да Ааронлы: «Господь мед аддзас, мый ті вӧчинныд, да мыждас тіянӧс. Тіян вӧсна фараон да сылӧн йӧзыс кутісны мустӧмтны миянӧс. Ті сетінныд налы шыпурт, медым миянӧс вины».

Еремей 42:14

мунам пӧ да овмӧдчам Египет муӧ, кӧні оз ло тыш, кӧні огӧ кутӧй кывны буксан шылысь чуксалӧмсӧ да огӧ кутӧй тшыгъявны,

Еремей 42:19

Иудалӧн коляс войтырыс, кывзӧй! Господь висьталӧ тіянлы: ”Энӧ мунӧй Египетӧ!” Тӧдӧй, талун ме ӧлӧді тіянӧс.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Лыд 11:20

а тӧлысь чӧж, кытчӧдз тіянӧс оз кут вукӧдны, и вомсьыныд яйыс бӧр оз кут петны. Тадзи лоӧ сыысь, мый ті мустӧмтінныд Господьӧс, коді олӧ тіян пӧвстын, да сыысь, мый ті Господь водзын бӧрдінныд-шуалінныд, мыйла нӧ ми петім Египетысь».

Лыд 16:13

Этша на тэныд сійӧ, мый тэ петкӧдін миянӧс муысь, кӧні визувтӧ йӧв да ма, мед ми тані, овтӧминас, кулім? А ӧні кӧсъян нӧшта ыджыдавны миян вылын!

Лыд 20:3

шуасисны Мӧисей вылӧ: «Бурджык эськӧ вӧлі, ми кӧ тшӧтш кулім, кор вокъясным кулісны Господь водзын!

Лыд 21:5

Найӧ ропкисны Ен вылӧ да Мӧисей вылӧ, шуасисны: «Мыйла ті петкӧдінныд миянӧс Египетысь, медым овтӧминас ми кулім? Нянь ни ва тані абу! Миянлы мустӧммис тайӧ шогмытӧм сёяныс!»

Ап. уджъяс 7:39

Но миян батьяс эз кӧсйыны кывзынысӧ, ӧтдортісны сійӧс да сьӧлӧмнысӧ бӧр бергӧдісны Египетлань.

Индӧд 1:39

Тайӧ муас пырасны тіян ныв-пиныд, кодъяс оз на кужны торйӧдны бурсӧ лёксьыс. На йылысь ті шулінныд, мый шедасны вӧрӧг киӧ, но налы Ме сета Ханаан му, и найӧ босьтасны сійӧс аслыныс.