Лыд 14:24 - Коми Библия 2023

²⁴ Но Менам Калев кесйӧг пытшкын мӧд лов, и сійӧ став сьӧлӧмсяньыс кывзысьӧ Менсьым. Та вӧсна Ме вайӧда Калевӧс сійӧ муас, кытчӧ ветліс, и сысянь чужысьяс босьтасны аслыныс кӧсйысьӧм мусӧ.

Лыд 14:24 Iomraidhean Croise

1 Каднебӧг 29:18

Господьӧй, миян Ӧвраам батьлӧн, Исаак батьлӧн да Израиль батьлӧн Ен, нэмъяс чӧж видз Аслад войтырыд сьӧлӧмын тайӧ кӧсйӧмсӧ, веськӧд налысь сьӧлӧмсӧ Ас дінад!

1 Каднебӧг 29:9

Ставныс найӧ сьӧлӧмсяньныс вайисны ассьыныс сетӧмторнысӧ Господьлы. Став войтырыс нимкодясис таысь, Давид ӧксы тшӧтш ёна нимкодясис.

2 Каднебӧг 25:2

Амасей вӧчис Господь водзын шогманасӧ, но эз став сьӧлӧмсяньыс.

Шусьӧгъяс 23:26

Пиӧй, сьӧлӧмтӧ сет меным, ветлы менам туйӧд.

Лыд 13:30

Негев муын олӧны амаликъяс, керӧсвыв муын олӧны хеттейяс, [хивейяс,] евуссаяс да аморейяс, а саридз бокын да Йӧрдан ю бокын олӧны ханаансаяс».

Лыд 14:30

Ті онӧ пырӧй сійӧ муас, кытчӧ Ме киӧс лэптӧмӧн кӧсйысьлі овмӧдны тіянӧс. Сэтчӧ пырасны сӧмын Ефуннилӧн Калев пиыс да Навлӧн Исус пиыс.

Лыд 26:65

Ӧд Господь вӧлі шуӧма налы, мый куласны овтӧминын. Ефуннилӧн Калев пи да Навлӧн Исус пи кындзи наысь некод ловйӧн эз коль.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ефесӧ 6:6

Энӧ вӧчӧй тадзи йӧз водзын асьнытӧ петкӧдлӧм могысь, но Кристослӧн кесйӧгъяс моз кывзысьӧй Енмыслысь став сьӧлӧмсяньныд.

Индӧд 1:36

Сійӧ мусӧ аддзас сӧмын Ефуннилӧн Калев пиыс, ӧд сійӧ кывзысис Менсьым. Сылы да сысянь чужысьяслы Ме, Господь, сета мусӧ, кытчӧ сійӧ кокнас тувччыліс”.

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Колосӧ 3:23

Ставсӧ вӧчӧй сьӧлӧмсяньныд Господьлы моз, энӧ мортлы моз.