Лыд 14:19 - Коми Библия 2023

¹⁹ Господьӧй, Аслад ыджыд буралӧмыд вӧсна прӧстит тайӧ войтырыслысь мыжсӧ, кыдзи Тэ пыр прӧститлін найӧс Египетысь петӧмсянь да ӧнӧдз!»

Лыд 14:19 Iomraidhean Croise

Ӧксыяслӧн 3 небӧг 8:34

сэки Тэ кыв енэжсяньыд да прӧстит Израиль войтырыдлысь мыжсӧ. Бӧр бергӧд найӧс сійӧ муас, мый Тэ сетін налӧн батьяслы.

Псалтыр 85:2

Видз менсьым олӧмӧс, ӧд ме кывзыся Тэнсьыд. Енмӧй, мезды менӧ, Ассьыд кесйӧгтӧ, ӧд ме лача кута Тэ вылӧ.

Петӧм 32:32

Прӧстит налысь мыжсӧ, а он кӧ, вушты менсьым нимӧс Аслад небӧгысь».

Петӧм 33:17

Господь шуис Мӧисейлы: «Ме вӧча, мый тэ коран, ӧд Ме бур сьӧлӧма тэ дінӧ да тӧда тэнӧ».

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Даниил 9:19

Господьӧй, кывзы миянӧс! Господьӧй, прӧстит миянӧс! Господьӧй, кыв миянӧс да вӧч корӧмным серти! Аслад нимыд ради эн ньӧжмась, Енмӧй, ӧд Тэнад нимлы сиӧма Тэнсьыд картӧ да Тэнсьыд войтыртӧ».

Амос 7:2

Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда».

Амос 7:5

Сэки ме шуи: «Господьӧй Ыджыдӧй, эн вӧч тайӧс! Яков рӧд оз вермы водзсасьны, сійӧ ӧд этша лыда».

Иона 3:10

Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Аввакум 3:2

Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.

Лыд 23:21

Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.

Яков 5:15

Сэки эскӧмӧн кевмысьӧмыс отсалас висьысьлы, и Господь бурдӧдас сійӧс. А вӧчис кӧ сійӧ мыжъяс, сылысь мыжъяссӧ лоӧ прӧститӧма.