Лыд 14:14 - Коми Библия 2023

¹⁴ Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Лыд 14:14 Iomraidhean Croise

Олӧм 32:30

Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.

Неемий 9:12

Луннас Тэ нуӧдін найӧс кымӧр сюръяӧн, войнас Тэ югзьӧдін налысь туйсӧ биа сюръяӧн.

Неемий 9:19

но Тэ вӧлін на дінӧ бур сьӧлӧма, Тэ эн эновт найӧс овтӧминын. Луннас кымӧр сюръя эз вешйыв на дінысь, а нуӧдіс найӧс, войнас биа сюръя югзьӧдіс налысь туйсӧ, кыті налы колӧ вӧлі мунны.

Псалтыр 105:39

Уджъяснас найӧ пежалісны асьнысӧ, кырсалысь ань моз сетчисны идолъяслы.

Петӧм 15:14

Войтыръяс повзисны, кор кылісны та йылысь, Филистим муын олысьяс полӧмнысла дзӧрисны.

Петӧм 33:11

Господь сёрнитіс Мӧисейкӧд воча чужӧмӧн, кыдзи морт сёрнитӧ аслас ёрткӧд. Сэсся Мӧисей бӧр локтіс йӧз дорӧ, а Навлӧн Исус пиыс, Мӧисейлы отсасьысь том морт, эз вешйыв паныдасян чом дорысь.

Петӧм 33:16

Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Петӧм 40:38

Став Израиль войтыр аддзыліс, мый луннас Господьлӧн кымӧрыс сулаліс вежа чом весьтын, а войнас кымӧр пытшкас ӧзйис би. Тадзи пыр вӧлі налӧн ветлігчӧжныс.

Лыд 10:34

Луннас сувтанінысь мӧдӧдчигӧн Господьлӧн кымӧрыс вӧлі на весьтын.

Лыд 12:8

Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 14:9

Исус вочавидзис: «Он ӧмӧй тӧд Менӧ, Филип? Ме сы дыра нин тіянкӧд! Менӧ аддзылысь Батьӧс аддзыліс. Мыйла тэ шуан, петкӧдлы пӧ миянлы Батьтӧ?

1 Коринфӧ 13:12

Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Индӧд 34:10

Тайӧ кадсяньыс Израиль войтыр пӧвстын эз вӧв Мӧисей кодь пророкыс. Господь сёрнитліс сыкӧд воча чужӧмӧн.

Индӧд 5:24

да шуисны: ”Господь, миян Енным, петкӧдліс миянлы Ассьыс дзирдлунсӧ да ыджыд вынсӧ. Ми кылім Сылысь гӧлӧс шысӧ би пытшсянь. Талун ми тӧдмалім, мый Енмыс сёрнитӧ морткӧд, и мортыс ловйӧн кольӧ.

Индӧд 5:4

Господь сёрнитіс тіянкӧд воча чужӧмӧн керӧсвывса би пытшсянь.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.