Лыд 13:33 - Коми Библия 2023

³³ Тадзи Израиль пиян пӧвстын найӧ паськӧдісны лёк сёрни муыс йылысь, кытчӧ ветлісны. Найӧ шуисны: «Муыс, кытчӧ ми ветлім, ньылыштас сэтчӧ овмӧдчысьясӧс. Став йӧзыс, кодъясӧс ми сэтысь аддзылім, вӧліны ыджыдӧсь.

Лыд 13:33 Iomraidhean Croise

Олӧм 6:4

Сійӧ кадас да бӧрынджык му вылын олісны ыджыд тушаа йӧз. Найӧс чужтылісны мувывса йӧзлӧн нывъяс Ен пиянлы. Тайӧ йӧзыс вӧліны ёнӧсь да нималанаӧсь.

1 Каднебӧг 11:23

Нӧшта сійӧ виис ыджыд тушаа египетсаӧс, коді вӧлі вит гырддза судта. Египетса кутіс киас шы, и шыыс вӧлі шӧрт гартан юранӧш кодь кыз, а Бенай петіс сылы паныд беддьӧн. Бенай мырддис египетсалӧн киысь шысӧ да бытшкис сійӧс.

Исай 40:22

Господь пукалӧ му кытш весьтын, а му вылас олысьясыс Сылы чирк кодьӧсь. Сійӧ шевкнитіс енэжсӧ вонйӧс моз, паськӧдіс сійӧс дӧрачомйӧс моз, медым сэні овны.

Лыд 13:22

Найӧ мунісны да видзӧдалісны Ханаан му Цин овтӧминсянь Реховӧдз, Лево-Хаматсянь матын.

Лыд 13:28

Мӧисейлы найӧ шуисны: «Ми ветлім сійӧ муас, кытчӧ миянӧс мӧдӧдлін. Сэні дзик збыльысь визувтӧ йӧв да ма. Со кутшӧм вотӧс вайим!

Лыд 14:1

Став войтырыс кутіс гораа ырзӧмӧн бӧрдны. Найӧ войбыд бӧрдісны.

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Индӧд 2:10

Войдӧр сэні оліс уна лыда эми войтыр, найӧ вӧліны Енаксянь чужысьяс кодь ёнӧсь да ыджыд тушааӧсь.

Индӧд 3:11

Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».

Индӧд 9:2

Сэні олӧ енак войтыр, найӧ ыджыд тушааӧсь, уна лыдаӧсь да ёнӧсь. Ті ӧд кывлінныд, мый йӧзыс шуалӧны на йылысь, енак войтырлы паныд пӧ некод оз вермы сувтны.

Нав Исус 11:21

Тайӧ кадас Исус петіс енак войтырлы паныд тышӧ да пасьвартіс найӧс керӧсвывса Хеврон, Девир да Анав каръясын, Иуда да Израиль керӧсвыв муясын. Исус дзикӧдз бырӧдіс найӧс да налысь каръяссӧ.

Нав Исус 14:12

Сет меным керӧсвыв мусӧ, мый йылысь сэки висьтавліс Господь. Тэ ачыд кывлін, мый сэні ыджыд да зумыд каръясын олӧ енак войтыр. Господь кӧ лоӧ мекӧд, ме вӧтла найӧс, кыдзи шуис Господь».

Нав Исус 15:14

Калев вӧтліс сэтысь Шешайӧс, Ахиманӧс да Талмайӧс – Енаксянь чужысьясӧс.

Ӧксыяслӧн 1 небӧг 17:24

Филистимсаӧс аддзӧмысь израильсаяс полӧмнысла пышйисны.

Ӧксыяслӧн 1 небӧг 17:42

Кор Голиаф аддзис Давидӧс, нинӧмӧ пуктіс тайӧ томиник, банйӧм чужӧма мича зонсӧ.