Лыд 13:29 - Коми Библия 2023

²⁹ Но сэтчӧс войтырыс ён, и найӧ олӧны зэв ыджыд изкаръясын. Ми аддзылім весиг Енаксянь чужысьясӧс.

Лыд 13:29 Iomraidhean Croise

Олӧм 14:7

Сэтысь найӧ локтісны Эн-Мишпатӧ, ӧнія Кадешӧ, да пасьвартісны став амалик войтырӧс да Хацацон-Тамарын олысь аморей войтырӧс.

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Псалтыр 83:7

Бӧрдан сёртасӧд мунысьяслы воссьӧ сэні ва петанін, зэрыс кисьтӧ сэні бурсиӧмсӧ.

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Лыд 13:17

Тайӧ айуловсӧ Мӧисей мӧдӧдіс видзӧдавны Ханаан му. Навлысь Осий писӧ Мӧисей нимтіс Исусӧн.

Лыд 13:30

Негев муын олӧны амаликъяс, керӧсвыв муын олӧны хеттейяс, [хивейяс,] евуссаяс да аморейяс, а саридз бокын да Йӧрдан ю бокын олӧны ханаансаяс».

Лыд 14:25

Ковтысын олӧны амаликъяс да ханаансаяс. Аски бӧр бергӧдчӧй, мунӧй овтӧминӧ Гӧрд саридзлань».

Лыд 14:43

Сэні тіянӧс виччысьӧны амаликъяс да ханаансаяс. Налӧн шыпурт помысь ті усянныд, ӧд бергӧдчинныд Господьысь, и Господь оз ло тіянкӧд».

Лыд 14:45

Керӧсвыв муын олысь амаликъяс да ханаансаяс уськӧдчисны израильсаяс вылӧ, пасьвартісны найӧс да вӧтӧдісны Хормаӧдз. [Ловйӧн кольӧмаяс бӧр бергӧдчисны асланыс чомъясӧ.]

Лыд 24:20

Валаам аддзис амаликъясӧс да шуис татшӧм кывъяс: – Войтыръяс пӧвстын амалик войтыр медводдзаыс, но сійӧс виччысьӧ дзикӧдз бырӧдӧм!

Индӧд 20:17

Дзикӧдз бырӧдӧй хеттейясӧс, аморейясӧс, ханаансаясӧс, перезейясӧс, хивейясӧс, евуссаясӧс, [гергесейясӧс,] кыдзи тшӧктіс тіянлы Господь, тіян Енныд.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Нав Исус 10:5

Аморейяслӧн витнан ӧксыыс – ерусалимса, хевронса, ярмутса, лакишса да эглонса ӧксыяс – асланыс тышкайӧзкӧд чукӧртчисны Гаваон кар дорӧ, медым уськӧдчыны сы вылӧ.

Нав Исус 10:6

Гаваонса олысьяс мӧдӧдісны мортӧс Исус дінӧ Галгалӧ, кӧні сулалісны израильсаяслӧн чомъясыс, медым шуны: «Ми – тэнад кесйӧгъяс. Эн коль миянӧс, лок ӧдйӧджык миянлы отсӧг вылӧ. Мезды миянӧс, ӧд керӧсвыв муын олысь аморейяслӧн став ӧксыыс чукӧртчисны, медым уськӧдчыны миян вылӧ».

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

Ёрдысьяс 3:5

Израиль пиян олісны ханаансаяс, хеттейяс, аморейяс, перезейяс, [гергесейяс,] хивейяс да евуссаяс пӧвстын.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Ӧксыяслӧн 1 небӧг 14:48

Амаликъясӧс пасьвартӧмнас Саул петкӧдліс ассьыс вынсӧ. Сійӧ мездіс Израильӧс куштысьяс киысь.

Ӧксыяслӧн 1 небӧг 27:8

Аслас йӧзкӧд Давид тшӧкыда уськӧдчывліс гешурсаяс, гирзейяс да амаликъяс вылӧ. Найӧ важысянь овмӧдчылӧмаӧсь тайӧ муас, паськӧдчылӧмаӧсь Шурӧдз да весиг Египетӧдз.

Ӧксыяслӧн 1 небӧг 30:1

Куим лун чӧж Давид аслас йӧзкӧд воӧдчис Сиклагӧ. Сэккості амаликъяс уськӧдчисны Негев му да Сиклаг кар вылӧ. Сиклаг карсӧ найӧ пасьвартісны да сотісны.

Ӧксыяслӧн 1 небӧг 7:14

Экронсянь Гефӧдз босьтӧм каръяссӧ филистимсаяс бӧр сетісны Израильлы. Израиль мездіс филистимсаяслӧн кипод улысь тшӧтш нагӧгӧрса муяссӧ. Аморейяскӧд израильсаяс тшӧтш олісны лӧня.