Лыд 10:33 - Коми Библия 2023

³³ Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Лыд 10:33 Iomraidhean Croise

Псалтыр 95:11

Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс,

Петӧм 19:3

Мӧисей кайис [керӧс вылӧ] Ен дінӧ. Господь шыасис керӧссянь да шуис Мӧисейлы: «Висьтав Яков рӧдлы, юӧрт Израиль пиянлы:

Петӧм 3:1

Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 28:12

Водзын Сійӧ шуліс налы: «Тані ті аддзанныд шойччанін, сетӧй мудзӧмалы шойччыны. Тані ті аддзанныд лӧньӧм». Но найӧ эз кӧсйыны кывзыны.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Еремей 3:16

Кор ті соданныд да рӧдманныд тайӧ му вылас, – висьталӧ Господь, – сэки оз нин кутны сёрнитны Господьлӧн Йитӧд куд йылысь, оз нин кутны мӧвпавны сы йылысь, оз казьтыштны да оз гажтӧмтчыны сы вӧсна. Кудсӧ выльысь оз нин вӧчны.

Еремей 31:2

Господь тадзи висьталӧ: – Войтыр, коді ловйӧн колис шыпуртысь, овтӧминын аддзис Менсьым буралӧмӧс. Ме локта лӧньӧдны Израильӧс.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Езекиль 20:6

Сійӧ лунӧ Ме кыв сеті налы, мый петкӧда найӧс Египет муысь сійӧ муас, мый Ме бӧрйи налы, мича да бур муӧ, кӧні визувтӧ йӧв да ма.

Лыд 10:12

и Израиль пиян мӧдӧдчисны котыръясӧн Синай овтӧминысь. Кымӧрыс сувтіс Паран овтӧминӧ.

Индӧд 1:33

коді муніс тіян водзвылын, медым корсьны тіянлы сувтланінъяс. Войнас Сійӧ муніс би сюръя пытшкын, а луннас – кымӧр сюръя пытшкын. Татшӧм ногӧн Сійӧ индыліс тіянлы туйсӧ.

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

Индӧд 9:9

Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Ёрдысьяс 20:27

Сійӧ кадас Енлӧн Йитӧд кудйыс вӧлі Вефильын, и Пинес, Ааронлӧн Элазар пиыслӧн пиыс, кесъяліс сы водзын. Израиль пиян юалісны Господьлысь: «Колӧ-ӧ миянлы бара на петны тышӧ Венямин чужанкотырлы, миян вокъяслы, паныд?» Господь шуис: «Петӧй. Аски Ме сета найӧс тіян киӧ».

Ӧксыяслӧн 1 небӧг 4:3

Кор израильса тышкайӧз бӧр косісны асланыс чукӧртчанінӧ, израильса юрнуӧдысьяс шуисны: «Мый понда Господь талун лэдзис филистимсаяслы вермыны миянӧс? Мунамӧй да ваямӧй Силом карысь Господьлысь Йитӧд кудсӧ. Кудйыс кӧ лоӧ миян ордын, сійӧ мездас миянӧс вӧрӧг киысь».