Лыд 10:29 - Коми Библия 2023

²⁹ Мӧисей шуис Ховавлы, мадианса Регуэл тесьтыслӧн пилы: «Ми мӧдӧдчам сійӧ муас, мый Господь кӧсйысис сетны миянлы. Мунам миянкӧд, ми кутам тӧждысьны, мый тэныд бур лоас, ӧд Господь кӧсйысис Израильлы бур вӧчны».

Лыд 10:29 Iomraidhean Croise

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Олӧм 13:15

Тайӧ мусӧ, мый тэ аддзан, Ме сета тэныд да тэсянь чужысьяслы пыр кежлӧ.

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Олӧм 32:12

Тэ шуин, мый Тэ бур вӧчан меным, и кӧсйысин, мый месянь чужысьыс лоас саридздор лыа мында – сы мында, мый некод оз вермы найӧс лыддьынысӧ».

Псалтыр 100:1

Давидлӧн псалом. Господьӧй, ме кута сьывны Тэныд ошкӧм, кута сьывны буралӧмыд да веськыдлуныд йылысь.

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Псалтыр 95:1

Сьылӧй Господьлы выль сьыланкыв, му вылын олысьяс, сьылӧй Господьлы!

Петӧм 18:1

Мадианса Иофор поплы, Мӧисейлӧн тесьтыслы, кывсис, мый Енмыс вӧчӧма Мӧисейлы да Аслас Израиль войтырлы, мый Господь петкӧдӧма Израиль войтырӧс Египетысь.

Петӧм 18:12

Мӧисейлӧн Иофор тесьтыс вайис Енлы сотан да мукӧд висьяс. Аарон да став израильса юрнуӧдысьяс локтісны да Мӧисейлӧн тесьтыскӧд сёйисны Ен водзын.

Петӧм 18:27

Мӧисей колльӧдіс тесьтсӧ, и мӧдыс муніс аслас муӧ.

Петӧм 2:18

Кор нывъяс локтісны Регуэл батьныс дінӧ, сійӧ юаліс: «Талун нӧ мый сэтшӧм водз локтінныд?»

Петӧм 2:21

Мӧисейлы кажитчис овны мадианса морт ордын. Иофор сетіс ассьыс Сеппора нывсӧ Мӧисейлы гӧтыр пыдди.

Петӧм 3:1

Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Еремей 50:5

Найӧ пондасны корсьны Сионӧ мунан туй, сылань чужӧмнысӧ бергӧдӧмӧн найӧ шуасны: «Мунамӧй Господь дінӧ, огӧ вунӧдӧй пыр кежлӧ кӧрталӧм йитӧдсӧ».

Лыд 10:28

Тадзи Израиль пиян тышкайӧз моз петлісны туйӧ.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Ап. уджъяс 7:5

Енмыс эз сет Ӧвраамлы татысь весиг кок пыдӧс пасьта му. Но кор Ӧвраам вӧлі ныв-питӧм на, Енмыс кӧсйысис сетны сылы да сысянь чужысьяслы мусӧ.

Индӧд 30:5

да вайӧдас батьясныдлӧн муӧ, и ті бара босьтанныд сійӧс аслыныд. Сійӧ вӧчас тіянлы бурсӧ, батьясныдлы дорысь тіянлы унджык чужысьӧс сетас.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.

Ёрдысьяс 1:16

Кенейяс, Мӧисей тесьтсянь чужысьяс, петісны Иудасянь чужысьяскӧд Пальма карсянь Иуда овтӧминӧ, мый паськӧдчӧма Арад карсянь лунвылӧ. Найӧ овмӧдчисны сэтчӧс войтыр пӧвстӧ.

Ёрдысьяс 4:11

Сійӧ кадас Хевер нима морт вӧлі торйӧдчӧма аслас кеней войтырысь, Ховавсянь чужысьясысь, Мӧисей тесьтлӧн рӧдвужысь. Сылӧн чомйыс сулаліс Кедешсянь матын цананнимса тупу рас дорын.

Ӧксыяслӧн 1 небӧг 15:6

Сэтчӧс олысь кеней войтырлы ыстіс юӧр: «Петӧй да ылыстчӧй амалик войтырысь, мед ме эг бырӧд тіянӧс накӧд тшӧтш. Ті уна бурсӧ вӧчинныд Израиль войтырлы, кор найӧ локтісны Египет муысь». Кеней войтыр кывзысис да ылыстчис амалик войтырысь.