Лука 8:6 - Коми Библия 2023

⁶ Кымынкӧ кӧйдыс усяс изъяинӧ, но ва тырмытӧмла петалігмозыс найӧ косьмасны.

Лука 8:6 Iomraidhean Croise

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Езекиль 11:19

Ме сета налы ӧти сьӧлӧм да пукта на пытшкӧ выль лов. Нетшышта морӧс кудсьыныс из сьӧлӧмнысӧ да сы пыдди пукта яй сьӧлӧм,

Езекиль 36:26

Ме сета тіянлы выль сьӧлӧм, пукта тіян пытшкӧ выль лов. Нетшышта морӧс кудсьыныд из сьӧлӧмнытӧ да сы пыдди пукта яй сьӧлӧм.

Амос 6:12

Изкырта вывті ӧмӧй котралӧны вӧвъяс? Верман ӧмӧй ӧшъясӧн гӧрны сэті? А ті бергӧдінныд веськыда мыждӧмсӧ пагӧдан быдмӧгӧ, веськыдлуныслысь вотӧссӧ – курыд зелляӧ.

Лука 8:13

Изъяинӧ усьӧм кӧйдысыс петкӧдлӧ: мортыс кылӧ Енлысь кывсӧ да долыдпырысь босьтӧ сійӧс сьӧлӧмас, но вужъясьтӧмысла оз дыр эскы, ыштӧдӧмъяс дырйи сійӧ кежӧ эскӧмсьыс.

Лука 8:5

«Морт кӧдзны петас. Кӧдзигас кымынкӧ кӧйдыс усяс туй бокӧ. Сэні найӧс таляласны, да енэжвыв лэбачьяс кокаласны.

Лука 8:7

Кымынкӧ кӧйдыс усяс лежнӧг пӧвстӧ. Быдмигас лежнӧгыс пӧдтас петассӧ.

Еврейяслы 3:15

Та йылысь шуӧма: – Талун, Енлысь гӧлӧс шысӧ кылігӧн, энӧ чорзьӧдӧй сьӧлӧмнытӧ, кыдзи ті вӧчинныд Сылы паныд кыпӧдчигӧн.