Лука 7:14 - Коми Библия 2023

¹⁴ Сэсся матыстчис да инмӧдчис гортъяс, нуысьяс сувтісны. Исус шуис: «Зонмӧй, тэныд шуа: чеччы!»

Лука 7:14 Iomraidhean Croise

Ӧксыяслӧн 3 небӧг 17:21

Зонка весьтӧ куимысь нюжӧдчылӧм бӧрти Илля шыасис Господь дінӧ: «Господьӧй, менам Енмӧй! Зонкалӧн лолыс мед бӧр пырас сы пытшкӧ!»

Ӧксыяслӧн 3 небӧг 17:22

Господь кыліс Илляӧс. Зонкалӧн лолыс бӧр пырис сы пытшкӧ, и сійӧ ловзис.

Иов 14:12

тадзи тшӧтш мортыд – водӧ да оз нин чеччы. Кытчӧдз лоӧ енэжыс му весьтас, сійӧ оз садьмы, аслас унмысь оз паляв.

Иов 14:14

Кутас-ӧ мортыс кулӧм бӧрас бара овны? Сьӧкыда мырсигӧн ме виччыся, кор нин локтас менӧ вежысь.

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Марк 5:41

Сійӧ босьтіс нывкаӧс киӧдыс да шуис: «Талита куми». Тайӧ лоӧ: «Нылӧй, тэныд шуа: чеччы».

Лука 7:13

Господьлӧн сьӧлӧмыс нормис дӧва вӧсна, Сійӧ шуис аньлы: «Эн бӧрд».

Лука 7:15

Кулӧм морт пуксис да пондіс сёрнитны. Сэки Исус сетіс сійӧс мамыслы.

Лука 7:17

Татшӧм сёрниыс Исус йылысь паськаліс Иудея му пасьтала да быдлаын матігӧгӧрас.

Иоан 11:25

Исус шуис: «Ме эм Ловзьӧдысьыс да Олӧмыс. Меным эскысь весиг кулӧм бӧрас кутас овны.

Иоан 5:21

Батьыс ловзьӧдӧ кулӧмаясӧс да сетӧ налы олӧм. Пиыс тшӧтш сетӧ олӧм, кодлы кӧсйӧ.

Иоан 5:25

Веськыда, веськыда висьтала тіянлы: воас кад да воис нин, кор кулӧмаяс кыласны Ен Пилысь гӧлӧс шысӧ. Сэки Сійӧс кылысьяс ловзясны.

Римӧ 4:17

Гижӧма: «Ме пукті тэнӧ войтыръяслы батьӧн». Сійӧ Ен водзын миянлы бать. Ӧвраам эскис Енлы, кулӧмаӧс Ловзьӧдысьлы да вӧвлытӧмторсӧ олӧмӧ Пӧртысьлы.

Ефесӧ 5:12

Налӧн гуся уджъяс йылысь ӧд яндзим весиг висьтавнысӧ.