Лука 3:11 - Коми Библия 2023

¹¹ Сійӧ вочавидзис: «Тэнад кӧ кык дӧрӧм, ӧтисӧ сет, кодлӧн абу. Тэнад кӧ эм сёян, тшӧтш тадзи вӧч».

Лука 3:11 Iomraidhean Croise

Езекиль 18:7

Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Матвей 25:40

Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.

Лука 11:41

Сетӧй корысьяслы, мый дозмук пытшкас. Сэки ставыс тіян лоӧ сӧстӧм.

Лука 18:22

Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Лука 19:8

Заккей сувтіс да шуис: «Господьӧй, овмӧслысь джынсӧ сета гӧльяслы, а кодлысь ылӧдлӧмӧн босьті, сылы нёль пӧвстӧн бӧр бергӧда».

Иоан 13:29

Кодсюрӧ чайтісны, мый Исус тшӧктіс ньӧбны коланаторсӧ Ыджыд лун кежлӧ либӧ сетны мыйкӧ гӧльяслы, ӧд сьӧм кудйыс вӧлі Иуда ордын.

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

Ап. уджъяс 10:31

да шуис, Корнилий, Енмыс пӧ кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.

Ап. уджъяс 10:4

Повзьӧмпырысь андел вылӧ видзӧдлӧмӧн Корнилий шуис: «Мый, Ыджыдӧй?» Андел шуис сылы: «Енмыс кылӧма тэнсьыд кевмысьӧмтӧ да аддзӧма гӧльяслы отсасьӧмтӧ.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

1 Тимофейлы 6:18

Озыръясӧс велӧд, медым бурсӧ вӧчисны, озырмисны бур уджъясӧн, вӧліны лышкыдӧсь да юксисны мукӧдкӧд.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

Яков 2:14

Вокъяс, коді шуӧ «ме эска», а уджъясыс сылӧн абуӧсь, мый нӧ таысь бурыс? Вермас-ӧ татшӧм эскӧмыс мездыны сійӧс?

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?

1 Иоан 4:20

Коді шуӧ, ме пӧ радейта Енсӧ, но мустӧмтӧ ассьыс воксӧ, сійӧ пӧръясьӧ. Оз кӧ радейт воксӧ, кодӧс аддзӧ, вермас-ӧ радейтны Енсӧ, кодӧс оз аддзы?