Лука 24:39 - Коми Библия 2023

³⁹ Видзӧдлӧй Менам ки-кок вылӧ, тайӧ Ме Ачым. Инмӧдчылӧй Ме дінӧ, и ті асьныд аддзанныд. Ловлӧн ӧд лы-яйыс абу, а Менам, со, эм».

Лука 24:39 Iomraidhean Croise

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лука 23:46

Исус ыджыд шыӧн горӧдіс: «Батьӧй, Тэнад киӧ сета Ассьым лолӧс!» Тайӧс шуӧм бӧрын лолыс петіс.

Лука 24:38

Исус шуис налы: «Мый ті поланныд? Мый тіянӧс майшӧдлӧ?

Лука 24:40

Тайӧс шуӧм бӧрын Сійӧ петкӧдліс налы Ассьыс ки-коксӧ.

Иоан 20:20

Тайӧс шуӧм бӧрын Сійӧ петкӧдліс налы Ассьыс кисӧ да ордлыяссӧ. Господьӧс аддзӧмысь велӧдчысьяс долыдмисны.

Иоан 20:25

Мукӧд велӧдчысьыс висьталісны сылы: «Ми аддзылім Господьӧс». Фома воча шуис: «Ог кӧ аддзыв кисьыс кӧрттув дойяссӧ, ог кӧ пуктыв сэтчӧ чуньӧс да ог пуктыв ассьым киӧс сылы ордлыас, ог эскы».

Иоан 20:27

Сэсся шуис Фомалы: «Вайлы чуньтӧ да видзӧдлы Менсьым киӧс. Нюжӧдлы китӧ да пуктыв Менам ордлыӧ. Эн ло эскытӧмӧн, но ло эскысьӧн».

Ап. уджъяс 1:3

Сьӧкыда кулӧм бӧрас Сійӧ уна эскӧданторйӧн петкӧдліс налы, мый Сійӧ ловзис. Нелямын лун чӧж Сійӧ петкӧдчывліс да висьтавліс Енлӧн Юралӧм йылысь.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.

1 Иоан 1:1

Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь.