62 Петыр петіс да курыда бӧрддзис.
Ме кыла Ефремлысь бӧрдӧмсӧ: «Тэ мыждін менӧ, мыждін менӧ асныра ӧшпиӧс моз. Бергӧд менӧ Ас дінад, и ме бергӧдча, ӧд Тэ – Господь, менам Енмӧй.
Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.
Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.
Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.
Шудаӧсь шогсьысьяс, ӧд найӧс шогсьыс пальӧдасны.
Кыліс петуклӧн мӧдысь чукӧстӧм. Сэки Петырлы тӧд вылас уси Исуслӧн шуӧмыс: «Петуклӧн кыкысь чукӧсттӧдз на тэ куимысь соссян Меысь». Петыр ырзӧмӧн бӧрддзис.
Бергӧдчылӧмӧн Господь видзӧдліс Петыр вылӧ. Сэки Петырлы тӧд вылас уси Господьлӧн шуӧмыс: «Петук чукӧсттӧдз на тэ куимысь соссян Меысь».
Исусӧс видзысьяс сералісны-лёкӧдісны да нӧйтісны Сійӧс.
Сідзкӧ, чайтан кӧ, мый зумыда сулалан – видзчысь усьӧмысь.
