Лука 22:31 - Коми Библия 2023

³¹ Господь шуис: «Кылан, Симон! Сӧтана корис шердйыны тіянӧс шобдіӧс моз.

Лука 22:31 Iomraidhean Croise

Исай 28:28

Шепсӧ вартӧны, но вартігас тусьяссӧ оз поткӧдлыны. Шепъяс вывтіыс вӧвъяс ветлӧдлӧны вартан гӧгыльясӧн, но ветлӧдлігас тусьяссӧ оз нырны.

Амос 9:9

Ме тшӧкта мукӧд войтыръяслы шердйыны Израиль войтырӧс, пызьӧс моз Ме пожнала найӧс сэтшӧм пож пыр, мый весиг ӧти лыа чир оз усь.

Закар 3:1

Сэсся Господь петкӧдліс меным Исус нима аркирейӧс, коді сулаліс Господьлӧн андел водзын. Исуслӧн веськыдладорын сулаліс сӧтана да мыжаліс сійӧс.

Матвей 26:30

Енлы сьылӧм бӧрын найӧ кайисны Олив керӧсӧ.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Лука 10:41

Господь Исус вочавидзис: «Марпа, Марпа, тэ тӧждысян-мырсян унатор вӧсна,

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

2 Коринфӧ 2:11

медым сӧтана эз ылӧдлы миянӧс, ми ӧд тӧдам сылысь наян мӧвпъяссӧ.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.