Лука 19:28 - Коми Библия 2023

²⁸ Тайӧс висьталӧм бӧрын Исус мӧдӧдчис Ерусалимлань.

Лука 19:28 Iomraidhean Croise

Лука 10:30

Исус вочавидзис тадзи: «Ӧти морт ветлас Ерусалимысь Ерикон карӧ. Туяс сійӧ веськалас лёк вӧчысьяс киӧ. Найӧ пӧрччӧдасны сійӧс, вирӧдз нӧйтасны да колясны туй вылас куланвыйын.

Лука 12:50

Пыртчӧмӧн колӧ Меным пыртчыны, и Ме ёна сьӧкыдала, кытчӧдз тайӧ оз ло.

Лука 18:31

Исус корис дас кыкнан велӧдчысьсӧ да шуис налы: «Ӧні ми мунам Ерусалимӧ. Сэні инас пророкъяслӧн Морт Пи йылысь став гижӧмаыс.

Лука 9:51

Кор матыстчис Исусӧс енэжӧ босьтан луныс, Сійӧ шуис мунны Ерусалимӧ.

Иоан 18:11

Исус шуис Петырлы: «Бӧр сюй шыпурттӧ пуртӧсас. Тайӧ чашаыс Меным Батьсянь. Ме ӧмӧй ог ю сійӧс?»

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

1 Петыр 4:1

Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.