Лука 18:13 - Коми Библия 2023

¹³ А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Лука 18:13 Iomraidhean Croise

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Псалтыр 106:6

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Псалтыр 25:11

Но ме ола сӧстӧма. Мезды менӧ, [Господьӧй,] ло бур сьӧлӧма ме дінӧ!

Псалтыр 25:7

кута аттьӧавны Тэнӧ, юӧртны Тэнад шензьӧдана уджъясыд йылысь.

Псалтыр 40:12

Мустӧмтысьяс кӧ оз вермыны менӧ, сэки ме тӧдмала, мый Тэ бур сьӧлӧма ме дінӧ.

Псалтыр 41:4

Лун и вой ме пӧткӧдча аслам синваӧн, ӧд быд лун менсьым юасьӧны, кӧні пӧ тэнад Енмыд.

Петӧм 33:10

Став войтырыс аддзис паныдасян чом пыранін дорын сулалысь кымӧр сюръясӧ. Найӧ копыртчисны муӧдз асланыс чомъяс дорын.

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Матвей 10:3

Филип, Варфоломей, Фома, вот перйысь Матвей, Алфей Яков, Леввей – мӧд нимыс Фаддей,

Матвей 6:5

«Энӧ кевмысьӧй кык бана шаньгаяс моз. Асьнысӧ йӧз водзын петкӧдлӧм могысь найӧ радейтӧны синагогаясын да туйвежъясын сулалӧмӧн кевмысьны. Веськыда висьтала тіянлы: найӧ босьтӧны нин ассьыныс удждонсӧ.

Матвей 9:13

”Буралӧм тіянсянь кӧсъя, ог вись вайӧм” – мунӧй да гӧгӧрвоӧй тайӧ кывъяссӧ. Ме локті корны Ен дінӧ мыжаясӧс, эг веськыда олысьясӧс».

Марк 11:25

Кевмысьны сувтіганыд прӧститӧй тіян водзын мыжмӧмаӧс, медым енэжвыв Батьныд прӧститас тіянлысь мыжъяснытӧ.

Лука 17:12

Ӧти сиктӧ воигӧн Сійӧс паныдалісны проказаӧн висьысь дас морт. Ылӧ сувтӧмӧн

Лука 22:41

Ачыс ылыстчис наысь из шыбитӧм ылнаӧ да пидзӧс вылас сувтӧмӧн кевмысис:

Лука 23:48

Уна йӧз вӧлі чукӧртчӧмаӧсь видзӧдны, мый водзӧ лоӧ. Лоӧмторсӧ аддзывлӧм бӧрын найӧ морӧсаныс кучкалігтыр пондісны мунавны.

Лука 5:8

Тайӧс аддзӧм бӧрын Симон-Петыр уськӧдчис Исус водзӧ да шуис: «Господьӧй, мун ме дінысь! Ме мыжа морт».

Ап. уджъяс 2:37

Петырлӧн кывъясыс вӧрзьӧдісны йӧзыслысь сьӧлӧмсӧ. Найӧ шуисны Петырлы да мукӧд апостолыслы: «Вокъяс, мый миянлы вӧчнысӧ?»

Римӧ 5:8

Но кор ми олім мыжас на, Кристос куліс миян вӧсна. Тайӧн Енмыс петкӧдліс миян дінӧ Ассьыс муслунсӧ.

2 Коринфӧ 7:11

Видзӧдлӧй, мый вайис тіянлы Ен кӧсйӧм серти шогсьӧмныд: кутшӧма ті зілянныд петкӧдлыны ассьыныд мыжтӧмлуннытӧ, дӧзманныд лёк вӧчысь вылӧ да лёк вӧчӧмсӧ мустӧмтанныд. Кутшӧма ті гажтӧмтчанныд миянысь, ловнаныд ыпъяланныд да кӧсъянныд мыжаӧс веськыда мыждыны. Ті быд боксянь петкӧдлінныд ассьыныд сӧстӧмлуннытӧ.

1 Тимофейлы 1:15

Мый ӧні висьтала тіянлы – тайӧ эскана да шогмӧ сибӧдны сьӧлӧманыд: Исус Кристос локтіс муюгыдас, медым мездыны мыжаясӧс, и на пиысь ме медся мыжаыс.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Еврейяслы 8:12

Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв.