Лука 15:2 - Коми Библия 2023

² Фарисейяс да Индӧдӧ велӧдысьяс шуасисны: «Сійӧ мыжаяскӧд ветлӧдлӧ да накӧд ӧтлаын сёйӧ!»

Лука 15:2 Iomraidhean Croise

Матвей 11:19

Морт Пи локтіс, сёйӧ-юӧ, Сы йылысь шуӧны, рушку тыртысь да вина юысь пӧ, вот перйысьяскӧд да мыжаяскӧд ёртасьысь пӧ. Мывкыдлунсӧ пыдди пуктӧны мывкыдлуныслӧн челядь».

Матвей 9:11

Тайӧс аддзисны фарисейяс да юалісны Исуслӧн велӧдчысьяслысь: «Мыйла тіян Велӧдысьныд сёйӧ-юӧ вот перйысьяскӧд да мыжа йӧзкӧд?»

Лука 15:3

Сэки Исус висьталіс налы велӧданвисьт:

Лука 19:7

Тайӧс аддзылысьяс шуасисны, мыжа морт ордӧ пӧ муніс.

Лука 5:30

Фарисейяс да Индӧдӧ велӧдысьяс шуасисны Исуслӧн велӧдчысьяс вылӧ. Найӧ юалісны: «Мыйла ті сёянныд-юанныд вот перйысьяскӧд да мыжа йӧзкӧд?»

Лука 7:34

Морт Пи локтіс, сёйӧ-юӧ, Сы йылысь шуанныд, рушку тыртысь да вина юысь пӧ, вот перйысьяскӧд да мыжаяскӧд ёртасьысь пӧ.

Лука 7:39

Исусӧс корысь фарисей аддзис тайӧс да мӧвпыштіс: «Вӧлі кӧ тайӧ Мортыс пророк, тӧдіс эськӧ, мыйсяма ань инмӧдчӧ Сы дінӧ. Тайӧ аньыс ӧд мыжа».

Ап. уджъяс 11:3

Найӧ шуисны: «Тэ ветлӧмыд вундыштчытӧмъяс дінӧ да весиг ӧтлаын сёйӧмыд накӧд».

Галатӧ 2:12

Яковсянь мӧдӧдӧмаяс вотӧдз Петыр ӧтлаын сёйис мукӧд войтыръясысь эскысьяскӧд. Но Яковлӧн йӧз локтӧм бӧрын сійӧ пондіс сайласьны да ӧтдортчыны, ӧд поліс вундыштчӧм дор сулалысьясысь.

1 Тимофейлы 1:15

Мый ӧні висьтала тіянлы – тайӧ эскана да шогмӧ сибӧдны сьӧлӧманыд: Исус Кристос локтіс муюгыдас, медым мездыны мыжаясӧс, и на пиысь ме медся мыжаыс.