Лука 15:13 - Коми Библия 2023

¹³ Кымынкӧ лун мысти ичӧт пиыс босьтас ассьыс пайсӧ да мунас ылі муӧ. Сэні кокньыд оласногысла лотас ставсӧ.

Лука 15:13 Iomraidhean Croise

Шусьӧгъяс 18:9

Суклясьысьлӧн кывъясыс чӧскыдӧсь, кынӧм пытшкӧдзыд пырӧны.

Шусьӧгъяс 21:17

Гажӧдчыны радейтысьыд гӧльмӧ, вина юысьыд да уна вый сёйысьыд оз озырмы.

Шусьӧгъяс 21:20

Мывкыд мортлӧн керкаын уна озырлун да сёян, а вежӧртӧм мортыд ставсӧ лотӧ-шердйӧ.

Шусьӧгъяс 27:8

Чужанінсӧ кольысь мортыд позсӧ эновтысь лэбач кодь.

Шусьӧгъяс 28:7

Индӧд серти олысь пи – вежӧра, но коді ёртасьӧ эмбур лотысьяскӧд, сійӧ янӧдӧ ассьыс батьсӧ.

Шусьӧгъяс 29:3

Мывкыдсӧ радейтысь долыдмӧдӧ батьсӧ, а коді ветлӧ кырсалысь аньяс дінӧ, лотӧ эмбурсӧ.

Шусьӧгъяс 6:26

Киысь киӧ ветлысь аньлы няньӧн мынтысян, а йӧз гӧтыр вӧсна тэ меддонаторсӧ, олӧмтӧ, воштан.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 22:13

Но ті гажӧдчанныд да нимкодясянныд, начканныд ӧшъясӧс да ыжъясӧс, сёянныд яй да юанныд вина. Ті шуаланныд: «Кутам сёйны-юны, ӧд аски кулам».

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Исай 56:12

Найӧ шуалӧны: «Локтӧй, ме перъя вина, коддзымӧн юам сур. Аскиа луныс лоӧ татшӧм жӧ, да нӧшта на бурджык!»

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Еремей 2:5

Господь тадзи висьталӧ: – Аддзылісны ӧмӧй тіян батьясныд, мый Ме ог веськыда вӧч? Таысь ӧмӧй найӧ ылыстчисны Меысь? Найӧ вӧтчисны идолъяс бӧрся, нинӧм бӧрся моз, и асьныс лоины татшӧмӧсь.

Микей 6:3

– Войтырӧй, мый Ме тэныд вӧчи? Мыйӧн сьӧктӧді тэнӧ, вочавидз Меным!

Лука 15:12

Ичӧтджыкыс шуас батьыслы: ”Батьӧй, сет меным овмӧссьыд ассьым пайӧс”. Батьыс юкас овмӧссӧ кыкнан пиыслы.

Лука 15:14

Сэки сійӧ муас пуксяс тшыг олӧм. Тшыглуныс топӧдас сійӧс.

Лука 15:30

Тэнад тайӧ пиыд лотіс став овмӧссӧ кырсалысь аньяскӧд. Ӧні локтіс да, тшӧгӧдӧм куканьӧс начкин сылы!”

Лука 16:1

Исус висьталіс велӧдчысьясыслы: «Ӧти озыр мортлӧн вӧлі овмӧс нуӧдысь. Озыр мортлы норасясны, овмӧс нуӧдысьыд пӧ куштӧ овмӧстӧ.

Лука 16:19

«Вӧлі озыр морт. Сійӧ новліс пемыдгӧрд да шабді паськӧм, быд лун лышкыда гажӧдчис.

Ефесӧ 2:13

Коркӧ ті вӧлінныд ылынӧсь Енсьыс, ӧні ті Исус Кристос пытшкынӧсь. Сылӧн вирыс матыстіс тіянӧс Ен дінас.

Ефесӧ 2:17

Сійӧ локтіс юӧртны бурасьӧм йылысь тіянлы, кодъяс вӧлінныд ылынӧсь Енсьыс, и налы, кодъяс вӧліны матынӧсь Ен дінас.

2 Петыр 2:13

Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны.