Лука 10:6 - Коми Библия 2023

⁶ Сэні кӧ олӧ бур сьӧлӧма морт, бурсиӧмныд коляс сылы. Оз кӧ, бурсиӧмныд бӧр бергӧдчас тіянлы.

Лука 10:6 Iomraidhean Croise

Псалтыр 35:13

Видзӧдлы, лёк вӧчысьяс усисны! Енмыс уськӧдіс найӧс кок йывсьыныс, и найӧ оз вермыны сувтнысӧ. Ошкӧм.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Лука 10:5

Керкаӧ пыриганыд медводз шуӧй: ”Лӧнь олӧм тайӧ керкаыслы!”

Лука 10:7

Кольччӧй сійӧ керкаас, сёйӧй-юӧй мый тіянлы сетасны, ӧд уджалысьлы мынтысьӧны уджыс серти. Энӧ вуджӧй мӧд керкаӧ.

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

2 Фессалоникаӧ 3:16

Ачыс Господь, лӧньлунсӧ Сетысь, мед быд кадӧ да быдторйын сетас тіянлы лӧньлунсӧ. Господь мед лоас ставныдкӧд тіянкӧд!

Яков 3:18

Лӧньлунсӧ вайысьяс кӧдзӧны лӧньлунлысь кӧйдыс, а тайӧ кӧйдысыс вайӧ веськыда олӧмыслысь вотӧс.

1 Петыр 1:14

Лоӧй кывзысьысь челядь кодьӧн. Збыльсӧ тӧдтӧдз ті олінныд лёк кӧсйӧмъясныд серти, но ӧні энӧ лэдзӧй налы ыджыдавны тіян пытшкын.

Ӧксыяслӧн 1 небӧг 25:17

Мӧвпыштлы, мый вӧчны. Ыджыд лёктор виччысьӧ миян ыджыднымӧс да сылысь гортсаяссӧ. Навал лёк морт, некодӧс оз кывзы».