Лука 10:17 - Коми Библия 2023

¹⁷ Сизимдас велӧдчысь бӧр воисны нимкодясигтыр да шуисны: «Господьӧй, Тэнад нимӧн тшӧктігӧн весиг пеж ловъяс кывзысьӧны миянлысь».

Лука 10:17 Iomraidhean Croise

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Марк 16:17

Эскысьяслӧн лоасны татшӧм индысьпасъяс: Менам нимӧн пондасны вӧтлавны пеж ловъясӧс да сёрнитны выль кывъяс вылын.

Лука 10:1

Та бӧрын Господь бӧрйис нӧшта сизимдас велӧдчысьӧс, сэсся кыкӧн-кыкӧн мӧдӧдіс найӧс кар-сиктъясӧ, кытчӧ кӧсйис Ачыс мунны.

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

Лука 10:9

Бурдӧдалӧй сэні висьысьясӧс да юӧртӧй: ”Енлӧн Юралӧмыс воис тіянӧдз”.

Лука 9:1

Исус корис дас кыкнан велӧдчысьсӧ да сетіс налы вын вӧтлавны пеж ловъясӧс да бурдӧдавны йӧзӧс висьӧмъясысь.

Римӧ 16:20

Лӧньлунсӧ сетысь Ен регыд песовтас сӧтанасӧ тіян кокъяс улӧ. Миян Господь Исус Кристослӧн буралӧмыс тіянкӧд. Аминь.

Ефесӧ 5:24

Кыдзи вичкоыс кывзысьӧ Кристослысь, сідзи гӧтыръяс быдторйын кывзысьӧй асланыд верӧсъяслысь.