Лука 1:76 - Коми Библия 2023

⁷⁶ Тэнӧ, кагаӧй, пуктасны Медвылыссалӧн пророкӧ. Тэ мунан Господь водзын дасьтыны туйсӧ Сылы,

Лука 1:76 Iomraidhean Croise

Псалтыр 87:5

Менӧ дасьтӧны гуавны, ме лои вынсӧ воштӧм морт кодь,

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Малакий 4:5

Господьлӧн ыджыд да повзьӧдана луныс вотӧдз Ме ыста тіян дінӧ Илля пророкӧс.

Матвей 14:5

Ирӧд кӧсйис вины Иоанӧс, но поліс йӧзсьыс, ӧд найӧ Иоанӧс пророкӧ пуктісны.

Матвей 21:26

Шуам кӧ: ”Мортсянь”, йӧзсьыс повны ковмас, ӧд Иоанӧс ставныс пророкӧ пуктӧны».

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Матвей 3:3

Иоан йылысь Исай пророк висьталӧма тадзи: – Овтӧминын кылӧ горзысьлӧн шы: «Лӧсьӧдӧй туй Господьлы, веськӧдӧй-шыльӧдӧй ордымъяс Сылы!»

Марк 11:32

Гашкӧ, шуам: ”Мортсянь”?» Но найӧ полісны йӧзсьыс, ӧд Иоанӧс ставныс збыльысь пророкӧ пуктісны.

Лука 1:32

Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Иоан 1:23

Иоан вочавидзис налы: «Ме – овтӧминын горзысьлӧн шыыс: ”Веськӧдӧй-шыльӧдӧй туй Господьлы!” Тадзи коркӧ висьталіс Исай пророк».

Иоан 1:27

Сійӧ ме бӧрын локтӧ, но Сійӧ меысь водзджык нин вӧлӧма. Ме ог шогмы разьны Сылысь кӧмкот кӧвсӧ».

Иоан 3:28

Ті асьныд кывлінныд менсьым висьталӧмӧс: ”Ме абу Кристос, ме сӧмын Сы водзвылын мӧдӧдӧмаыс”.

Ап. уджъяс 16:17

Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ».