Левит 7:32 - Коми Библия 2023

³² Бурасян вись пыдди вайӧм пемӧслысь веськыдладор задвыв яйсӧ сетӧй поплы.

Левит 7:32 Iomraidhean Croise

Петӧм 29:27

Вежӧд межыслысь морӧсвыв яйсӧ, мый колӧ вайны пыркӧдан вись пыдди, да задвыв яйсӧ, мый колӧ вайны кыпӧдлан вись пыдди. Межыслӧн тайӧ юкӧнъясыс лоӧны Ааронлы да сылӧн пиянлы.

Левит 10:14

Пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ сёйӧй ныв-пиныдкӧд сӧстӧминын, ӧд Израиль пиянлӧн бурасян висьлысь тайӧ юкӧнъяссӧ Господь индіс тэныд да тэсянь чужысьяслы.

Левит 7:33

Коді Ааронсянь чужысьяс пӧвстысь висьпуктанін вылын вайӧ вись пыдди бурасян висьлысь вирсӧ да госсӧ, сылы вичмӧ веськыдладор задвыв яйыс.

Левит 7:34

Ӧд Израиль пиянлӧн бурасян висьысь пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ Ме инді Аарон поплы да сысянь чужысьяслы нэмъяс кежлӧ.

Левит 9:21

Морӧсвыв яйсӧ да веськыдладор задвыв яйсӧ Аарон вайис Господь водзын пыркӧдан вись пыдди, кыдзи тшӧктіс Мӧисей.

Лыд 5:9

Израиль пиянлӧн став вежа вайӧмторйыс лоӧ поплы.

Лыд 6:20

Ставсӧ тайӧс поп мед ваяс Господь водзын пыркӧдан вись пыдди. Тайӧ вежаторйыс вичмас поплы задвыв яйкӧд да пыркӧдӧмӧн вайӧм морӧсвыв яйкӧд. Та бӧрти назорейлы позьӧ юны вина.

Индӧд 18:3

Ыж-мӧскӧс вись пыдди вайигӧн Израиль войтыр мед сетас висьлысь пуліпомсӧ, черлысӧ да гырксӧ поплы.

Ӧксыяслӧн 1 небӧг 9:24

Пусьысь вайис задвыв яйсӧ да пуктіс Саул водзӧ. Самуил шуис Сауллы: «Тайӧ яйсӧ торйӧдӧма тэныд. Босьт да сёй. Сійӧс видзӧма тэныд тайӧ гажӧдчан луныс кежлӧ. Войтырсӧ ме кори татчӧ гажӧдчыны». Сійӧ лунӧ Саул да Самуил ӧтлаын пажнайтісны.