Левит 6:18 - Коми Библия 2023

¹⁸ Ааронсянь чужысь став айуловыс вермасны сёйны сійӧс. Господьлы вайӧм висьясысь тайӧ пайсӧ индӧма налы нэмъяс кежлӧ чужысьяссянь чужысьясӧдз. Ставыс, мый инмылас тайӧ вежасьыс-вежаторъяс дінӧ, лоӧ вежа».

Левит 6:18 Iomraidhean Croise

Петӧм 29:37

Сизим лун чӧж сӧстӧммӧд висьпуктанінсӧ да вежӧд сійӧс, и висьпуктаніныс лоӧ вежасьыс-вежа. Ставыс, мый инмас висьпуктанінӧ, лоӧ вежа».

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Левит 4:24

Мед пуктылас кисӧ кӧзалы юр вылас, а сэсся мед начкас сійӧс сэні, кӧні Господь водзын начкӧны сотан вись. Тайӧ лоӧ мыжысь вись.

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 4:33

Мед пуктылас кисӧ балялы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 6:10

Асывнас поп мед пасьталас шабді дӧра паськӧм да улыс шабді гач, сэсся чукӧртас сотан вись вайӧм бӧрын висьысь кольӧм пӧимсӧ да койыштас сійӧс висьпуктанін бокӧ.

Левит 6:19

Господь шуис Мӧисейлы:

Левит 6:27

Ставыс, мый инмылас вись яйыс дінӧ, лоӧ вежа. Вирыс кӧ резсяс поплӧн паськӧмӧ, паськӧмсӧ колӧ мыськавны вежаинын.

Левит 6:29

Поп рӧдысь став айуловыс вермӧ сёйны мыжысь вись яйсӧ. Тайӧ – [Господьлӧн] вежасьыс-вежатор.

Левит 7:6

Поп рӧдысь став айуловыс вермӧ сёйны мыж вештан висьлысь яйсӧ. Сӧмын колӧ сёйны сійӧс вежаинын, ӧд сійӧ – вежасьыс-вежатор.

Лыд 18:10

Сёйӧй сійӧс вежаинын, ӧд сійӧ вежа. Сӧмын тіян айулов вермасны сёйны сійӧс.

Лыд 18:8

Господь шуис Ааронлы: «Ме пукта тэнӧ кывкутны Меным вайӧмторъяс вӧсна. Став вежа вайӧмторсьыс, мый Израиль пиян вайӧны Меным, Ме сета тэныд да тэнад пиянлы пай. Тайӧ тшӧктӧмыс нэмъяс кежлӧ.

1 Коринфӧ 9:13

Ті ӧд тӧданныд, мый крамын кесъялысьяс пӧткӧдӧны асьнысӧ крамӧ вайӧмторйӧн, а висьпуктанінын кесъялысьяс босьтӧны аслыныс пай висьпуктанін вылӧ вайӧмторйысь.

1 Петыр 1:16

Гижӧма: «Лоӧй вежаӧсь, ӧд Ме вежа».

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.