Левит 3:9 - Коми Библия 2023

⁹ Вись вайысь мед ваяс Господьлы ыжлысь став госсӧ: сюрсалы бердсьыс бӧждор госсӧ, ты-мус вывсьыс пытшкӧс госсӧ,

Левит 3:9 Iomraidhean Croise

Ӧксыяслӧн 2 небӧг 6:17

Господьлысь кудсӧ вайисны да пуктісны аслас местаӧ, Давидӧн сувтӧдӧм чом шӧрӧ. Та бӧрын Давид вайис Господьлы сотан да бурасян висьяс.

Ӧксыяслӧн 3 небӧг 3:15

Кор Соломон садьмис, сійӧ гӧгӧрвоис, мый тайӧ вӧлі вӧт. Сійӧ бӧр локтіс Ерусалимӧ, сэні муніс [висьпуктанін дорӧ] Господьлӧн Йитӧд куд водзӧ и вайис сотан да бурасян висьяс. Та бӧрын аслас кесйӧгъяслы вӧчис ыджыд гаж.

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

Ӧксыяслӧн 3 небӧг 8:64

Сійӧ жӧ лунӧ ӧксы вежӧдіс Господьлӧн крам йӧрлысь шӧр юкӧнсӧ, сотіс сэні сотан вись да нянь вись, тшӧтш бурасян вись пыдди вайӧм пемӧсъяслысь госсӧ. Ӧд ыргӧн висьпуктаніныс, мый сулаліс Господь водзын, вӧлі ичӧт, сэтчӧ эз тӧр сотан вись, нянь вись да пемӧсъяслӧн госыс.

1 Каднебӧг 16:1

Енлысь кудсӧ вайисны да пуктісны Давидӧн сувтӧдӧм чом шӧрӧ. Та бӧрын вайисны Енлы сотан да бурасян висьяс.

Петӧм 29:22

Босьт межлысь бӧждор госсӧ, пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да веськыдладор задвыв яйсӧ, ӧд тайӧ межыс – попӧ сувтӧдан вись.

Шусьӧгъяс 23:26

Пиӧй, сьӧлӧмтӧ сет меным, ветлы менам туйӧд.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Левит 17:5

Тайӧс тшӧктӧма сы могысь, медым Израиль пиян эз нин начкыны пемӧсъяссӧ бокын, а вайӧдісны найӧс Господь водзӧ вежа чом пыранін дорӧ поплы, и сэні начкисны Господьлы бурасян вись пыдди.

Левит 7:3

Вись пыдди колӧ вайны пемӧслысь став госсӧ: бӧждор госсӧ, ты-мус вывсьыс пытшкӧс госсӧ,

Левит 8:25

Мӧисей босьтіс межлысь бӧждор госсӧ, пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да веськыдладор задвыв яйсӧ.

Левит 9:19

Пияныс мыччисны и ӧшлысь госсӧ, межлысь бӧждор госсӧ, пытшкӧс госсӧ, вӧркъяссӧ да мус вывсьыс госа юкӧнсӧ.

Лыд 7:88

Бурасян вись пыдди вӧлі вайӧма кызь нёль ӧшкӧс, квайтымын межӧс, [арӧса] квайтымын ай кӧзаӧс да [дзоньвидза] арӧса квайтымын баляӧс. Висьпуктанін мавтыштӧм бӧрын ставсӧ тайӧс вайисны висьпуктанін вежӧдӧм могысь.

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».