Левит 27:18 - Коми Библия 2023

¹⁸ Сиас кӧ мусӧ тшупӧда во кольӧм бӧрын, поплы колӧ артавны муыслысь донсӧ сы серти, кымын во кольӧ локтана тшупӧда воӧдз. Доныс сэки чинтыссьӧ.

Левит 27:18 Iomraidhean Croise

Левит 25:27

сэки мед артыштас муыслысь донсӧ сы серти, кымын во коли мусӧ вузалан восяньыс. И кодлы вузавліс мусӧ, мед вештысяс сійӧ воясысь, мыйта коли тшупӧда воӧдз. Та бӧрын сійӧ мед бӧр локтас да босьтас ассьыс мусӧ.

Левит 27:14

Коді ассьыс керкасӧ сиас Господьлы, мед шыасяс поп дінӧ. Поп мед донъялас керкасӧ сы серти, бур-ӧ сійӧ. Кыдзи поп донъялас, сэтшӧм доныс и лоӧ.

Левит 27:17

Мортыс кӧ сиас ассьыс мусӧ тшупӧда воӧ, доныс кольӧ сэтшӧм жӧ, мыйта вӧлі индӧма.

Левит 27:19

Мортыс кӧ сиӧм мусӧ кӧсъяс бӧр ньӧбны, сэки арталӧм доныс дінӧ мед содтас му доныслысь витӧд пайсӧ да бӧр ньӧбас сійӧс, и муыс бара лоӧ сылӧн.

Левит 27:23

но кӧсъяс бӧр ньӧбны сійӧс, сэки поп мед арталас муыслысь донсӧ сы серти, кымын во кольӧ тшупӧда воӧдз. Мортыс мед мынтас поплы муыслысь донсӧ сійӧ жӧ лунӧ. Тайӧ доныс – Господьлӧн вежатор.