Левит 26:44 - Коми Библия 2023

⁴⁴ Но весиг сэки, кор найӧ лоасны вӧрӧгныслӧн муын, Ме ог мустӧмт-зывӧкты найӧс. Ме найӧс ог бырӧд, накӧд кӧрталӧм йитӧдӧс ог торк, ӧд Ме – Господь, налӧн Ен.

Левит 26:44 Iomraidhean Croise

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Ӧксыяслӧн 4 небӧг 13:23

Но Господь бурсьӧлӧмтчис израильсаяс дінӧ. Ӧвраамкӧд, Исааккӧд да Яковкӧд кӧрталӧм йитӧдыс вӧсна Сійӧ петкӧдліс на дінӧ Ассьыс буралӧмсӧ. Господь эз кӧсйы бырӧдны израильсаясӧс, эз на вӧтлы найӧс Аслас чужӧмбан водзысь.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

Псалтыр 103:13

Аслад выліинсянь Тэ зэрӧн юктӧдан керӧсъяс, Тэнад сетӧмторъясӧн пӧткӧдчӧ муыс.

Еремей 14:21

Аслад нимыд ради эн ӧтдорт миянӧс, Аслад дзирдлуныдлысь юралан пуклӧссӧ эн сет увтыртны, эн вунӧд миянкӧд кӧрталӧм йитӧдтӧ, эн торк сійӧс!

Еремей 24:5

«Господь, Израильлӧн Ен, тадзи висьталӧ: тайӧ бур инжир вотӧссӧ моз Ме шогманаӧн лыддя Иуда муысь пленӧ босьтӧмаясӧс, кодъясӧс Ме вӧтлі тайӧ мусьыс Калдея муӧ.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Еремей 33:26

сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».

Езекиль 16:60

Ме ог вунӧд Ассьым йитӧдӧс, мый Ме кӧрталі тэкӧд том кадад, а вынсьӧда сійӧс пыр кежлӧ.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Римӧ 11:2

Енмыс эз эновт Ассьыс водзвыв бӧрйӧм войтырсӧ. Онӧ ӧмӧй тӧдӧй, мый висьталӧма Гижӧдас Илля йылысь? Сійӧ норасьӧ Енлы Израиль вылӧ:

Римӧ 11:26

Сэки став Израиль мездмас. Ӧд гижӧма: – Сионсянь локтас Мездысь, Сійӧ бырӧдас Яков чужанвужйысь Ентӧг олӧмсӧ.

Ёрдысьяс 2:1

Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.