Левит 25:28 - Коми Библия 2023

²⁸ А оз кӧ вермы вештысьнысӧ, сэки вузалӧм муыс мед кольӧ ньӧбысь киӧ тшупӧда воӧдз на. Тшупӧда вонас ньӧбысь мед бӧр сетас мусӧ, а вузалысь мед бӧр босьтас ассьыс мусӧ.

Левит 25:28 Iomraidhean Croise

Еремей 32:15

Ӧд Господь Саваоф, Израильлӧн Ен, тадзи висьталӧ: ”Тайӧ муас коркӧ бара кутасны ньӧбавны керкаяс, видз-му да виноград йӧръяс”.

Левит 25:10

Ветымынӧд воыс мед лоӧ тіянлы вежа, сійӧ тшупӧда во. Сэки тіян муын став олысьыслы юӧртӧй мездлун йылысь. Быдӧн мед бӧр босьтӧ ассьыс мусӧ, бӧр локтӧ аслас чужанкотырыс дінӧ.

Левит 25:13

Тшупӧда воӧ быдӧн мед бӧр локтӧ да босьтӧ ассьыс мусӧ.

Левит 25:29

Вузалас кӧ кодкӧ стенмӧн кытшалӧм карысь керкасӧ, вузалан лунсянь во чӧж сылӧн эм позянлун бӧр ньӧбны ассьыс керкасӧ.

Левит 25:30

Во чӧжнас кӧ карысь керкасӧ бӧр оз ньӧб, сідзкӧ, керкаыс кольӧ пыр кежлӧ ньӧбысьлы. Тшупӧда воӧ керкаыс вузалысьлы бӧр оз вудж.

Левит 25:41

а сэсся ныв-пиыскӧд мед мунас рӧдвуж дінас, бать рӧдыслӧн муас, да овмӧдчас сэтчӧ.

Левит 27:24

А тшупӧда воӧ муыс бӧр вуджас сылы, кодлӧн рӧдвуж овмӧсысь вӧлі ньӧбӧма.