Левит 25:13 - Коми Библия 2023

¹³ Тшупӧда воӧ быдӧн мед бӧр локтӧ да босьтӧ ассьыс мусӧ.

Левит 25:13 Iomraidhean Croise

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Езекиль 7:13

Вузалысь кӧть и ловйӧн кольӧ, но вузалӧм муас оз вермы бӧр бергӧдчыны. Пророклӧн аддзылӧмыс оз вежсьы, мыждӧмыс суас найӧс ставнысӧ. Мыж вӧчысь оз вермы видзны ассьыс олӧмсӧ.

Левит 25:10

Ветымынӧд воыс мед лоӧ тіянлы вежа, сійӧ тшупӧда во. Сэки тіян муын став олысьыслы юӧртӧй мездлун йылысь. Быдӧн мед бӧр босьтӧ ассьыс мусӧ, бӧр локтӧ аслас чужанкотырыс дінӧ.

Левит 25:12

Тайӧ тшупӧда воыс мед лоӧ тіянлы вежа. Сёйӧй сӧмын сійӧ, мый ачыс быдмас.

Левит 25:28

А оз кӧ вермы вештысьнысӧ, сэки вузалӧм муыс мед кольӧ ньӧбысь киӧ тшупӧда воӧдз на. Тшупӧда вонас ньӧбысь мед бӧр сетас мусӧ, а вузалысь мед бӧр босьтас ассьыс мусӧ.

Левит 25:54

Оз кӧ ло мынтысьӧма вузалӧм мортысь, тшупӧда воӧ сійӧс ныв-пиыскӧд колӧ лэдзны вӧля вылӧ,

Лыд 36:4

И Израиль пиянлӧн тшупӧда воӧ татшӧм муыс вуджас чужанкотырлы, кытысь аньлӧн верӧсыс. Тадзи лоӧ босьтӧма му юкӧнсӧ миян чужанкотырлысь».