Левит 25:11 - Коми Библия 2023

¹¹ Ветымынӧд воыс тіян мед лоӧ тшупӧда во. Сэки энӧ кӧдзӧй. Няньсӧ, мый ачыс быдмас, энӧ вундӧй. Вундавтӧм вожъясысь виноградсӧ энӧ чукӧртӧй.

Левит 25:11 Iomraidhean Croise

Исай 37:30

Со, Езекей, тэныд пас. Тайӧ вонас ті сёянныд усьӧм тусьясысь быдмӧм няньсӧ, мӧд вонас сёянныд, мый ачыс чужас, а коймӧд вонас кӧдзанныд да вунданныд, пуктанныд виноград пуяс да сёянныд налысь вотӧссӧ.

Левит 25:10

Ветымынӧд воыс мед лоӧ тіянлы вежа, сійӧ тшупӧда во. Сэки тіян муын став олысьыслы юӧртӧй мездлун йылысь. Быдӧн мед бӧр босьтӧ ассьыс мусӧ, бӧр локтӧ аслас чужанкотырыс дінӧ.

Левит 25:12

Тайӧ тшупӧда воыс мед лоӧ тіянлы вежа. Сёйӧй сӧмын сійӧ, мый ачыс быдмас.

Левит 27:17

Мортыс кӧ сиас ассьыс мусӧ тшупӧда воӧ, доныс кольӧ сэтшӧм жӧ, мыйта вӧлі индӧма.