Левит 23:39 - Коми Библия 2023

³⁹ Сизимӧд тӧлысьлӧн дас витӧд лунсянь, быдтаснытӧ чукӧртӧм бӧрын, тіян мед лоӧ Господьлы сиӧм гаж. Гажӧдчӧй сизим лун чӧж. Гажлӧн медводдза да кӧкъямысӧд лунъясӧ тіян мед лоӧ шойччӧг.

Левит 23:39 Iomraidhean Croise

Петӧм 23:16

Пасйӧй Нянь вундан гаж, кор му вывсьыд вунданныд медводдза няньнытӧ. Пасйӧй во помын Чомӧр гаж, кор быдтас-вотӧснытӧ чукӧртанныд.

Левит 23:24

«Висьтав Израиль пиянлы: сизимӧд тӧлысьлӧн медводдза луныс лоӧ тіянлы шойччан лун. Сэки буксӧй буксанӧн, медым юӧртны, мый тіян лоас вежа чукӧртчӧм.

Левит 23:34

«Висьтав Израиль пиянлы: сизимӧд тӧлысьлӧн дас витӧд лунсянь тіян лоӧны Чом вӧчан лунъяс – Господьлы сиӧм сизим лун.

Левит 23:36

Сизим лун чӧж вайӧй Господьлы вись, а кӧкъямысӧд луннас тіян мед лоӧ вежа чукӧртчӧм, сэки тшӧтш вайӧй Господьлы вись. Некутшӧм удж энӧ вӧчӧй.

Левит 23:38

Таысь ӧтдор тіянлы колӧ чукӧртчыны Господьлы сиӧм шойччан лунъясӧ да вайны Господьлы козинъяс, кыв сетан висьяс да ас кӧсйӧм серти ваян висьяс.

Левит 23:40

Гажлӧн медводдза луннас босьтӧй мича пу вожъяс, пальма вожъяс да паськыд коръя пу вожъяс, юдорса бадьяс да гажӧдчӧй Господь Енныд водзын сизим лун чӧж.

Индӧд 16:13

«Сизим лун чӧж пасйӧй Чом вӧчан лунъяс, кор помаланныд гумлавыв уджъястӧ да виноград пычкӧмтӧ.