Левит 23:11 - Коми Библия 2023

¹¹ Сизимлунся вежа гажлӧн мӧд луннас поп мед ваяс медводдза кольтасӧ Господь водзын пыркӧдан вись пыдди, медым ті вӧлінныд шогманаӧсь Господьлы.

Левит 23:11 Iomraidhean Croise

Петӧм 28:38

медым сійӧ лоӧ Ааронлӧн плеш вылас. Тадзи Аарон босьтӧ ас вылас Израиль пиянлысь мыж, найӧ кӧ вежа сетӧмторъяссӧ вайигӧн кутшӧмкӧ ногӧн торкӧны Индӧдсӧ. Тайӧ зарни пӧвторйыс мед пыр лоас Ааронлӧн плеш вылас, медым Израиль пиянлӧн сетӧмторъясыс вӧліны шогманаӧсь Господьлы.

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Левит 10:14

Пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ сёйӧй ныв-пиныдкӧд сӧстӧминын, ӧд Израиль пиянлӧн бурасян висьлысь тайӧ юкӧнъяссӧ Господь индіс тэныд да тэсянь чужысьяслы.

Левит 23:10

висьтавны Израиль пиянлы: «Кор ті овмӧдчанныд сійӧ муас, мый Ме сета тіянлы, да вунданныд сэні нянь, вайӧй медводдза кольтанытӧ поплы.

Левит 23:12

Кольта ваян лунӧ вайӧй Господьлы сотан вись пыдди дзоньвидза арӧса баляӧс.

Левит 9:21

Морӧсвыв яйсӧ да веськыдладор задвыв яйсӧ Аарон вайис Господь водзын пыркӧдан вись пыдди, кыдзи тшӧктіс Мӧисей.

Руфа 1:22

Тадзи Ноеминь бӧр локтіс Моав муысь Виплиемӧ. Сыкӧд тшӧтш локтіс моав войтырысь Руфа моньыс. Буретш сэки заводитчис ид вундӧм.