Левит 22:22 - Коми Библия 2023

²² Энӧ вайӧй Господьлы вись пыдди синтӧм, чегӧм кока, доймӧм, висьлӧс, йӧгӧсь либӧ лӧмӧсь пемӧсӧс. Татшӧмӧс висьпуктанін вылын Господьлы энӧ сотӧй.

Левит 22:22 Iomraidhean Croise

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 22:20

Энӧ вайӧй Господьлы вись пыдди пемӧсӧс, кодлӧн эм кутшӧмкӧ тырмытӧмтор. А ваянныд кӧ, ті онӧ лоӧй шогманаӧсь Господьлы.

Левит 22:21

Коді кутас вайны Господьлы бурасян вись ӧш-мӧс либӧ ыж-кӧза пӧвстысь, лоӧ-ӧ тайӧ висьыс кыв сетан вись либӧ ас кӧсйӧм серти ваян вись [либӧ гаждырся вись], сійӧ мед ваяс дзоньвидза пемӧсӧс, кодлӧн абу некутшӧм тырмытӧмтор. Татшӧм висьыс лоӧ шогмана Господьлы.

Левит 22:23

Пемӧсӧс, кодлӧн кокъясыс туша сертиыс вывті кузьӧсь либӧ дженьыдӧсь, ас кӧсйӧм серти ваян вись пыдди позьӧ вайны, а кыв сетан вись пыдди кӧ татшӧмсӧ ваянныд, висьныд оз ло шогмана Господьлы.

Левит 3:3

Вись вайысь мед ваяс Господьлы ӧшлысь либӧ мӧслысь пытшкӧс госсӧ,

Левит 3:5

Ааронсянь чужысьяс мед сотасны тайӧс висьпуктанінын сотчысь пес вылын сотан виськӧд ӧтлаын. Тайӧ лоӧ Господьлы чӧскыда ӧвтан вись.

Малакий 1:8

Кор вись пыдди ваянныд синтӧм пемӧсӧс, абу-ӧ тайӧ лёктор? Чотысь да висьысь пемӧсӧс кор ваянныд, абу-ӧ тайӧ лёктор? Нуан кӧ татшӧм козинсӧ аслад юралысьлы, пондас-ӧ сійӧ нимкодясьны, сибӧдас-ӧ тэнӧ бурпырысь? – висьталӧ Господь Саваоф.