Левит 21:9 - Коми Библия 2023

⁹ Поплӧн нылыс кӧ пежалас асьсӧ кырсалӧмӧн, сійӧ янӧдас батьсӧ. Нывсӧ колӧ сотны.

Левит 21:9 Iomraidhean Croise

Олӧм 38:24

Коли тӧлысь куим. Иудалы висьталісны, мый сылӧн Фамар моньыс кырсалӧма да кынӧмасьӧма. Иуда шуис: «Петкӧдӧй сійӧс да сотӧй».

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Левит 19:29

Эн янӧд ассьыд нывтӧ, эн лэдз сылы кырсавны, медым муыс эз пежась да эз тыр зывӧкнас.

Левит 20:14

Коді гӧтырӧ босьтас аньӧс да сылысь мамсӧ, сійӧ зывӧктор вӧчӧ. Найӧс куимнаннысӧ колӧ биын сотны, медым тіян пӧвстын эз вӧв пеж вӧчӧмыс.

Малакий 2:3

Тіян кесъялӧмлы Ме пукта пом, гажӧдчан лунӧ ваян висьныдлысь сітсӧ Ме шыблала чужӧманыд, сэсся тіянӧс сітыскӧд шыбитасны ортсӧ.

Индӧд 22:21

сэки аньсӧ мед вайӧдасны бать керка ӧдзӧс дорас, и карса айулов мед изъяласны сійӧс кувтӧдзыс. Ӧд бать керкаын олігас сійӧ кырсалӧмнас шогмытӧмтор вӧчис Израильын. Бырӧдӧй лёксӧ ас пӧвстсьыныд.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

Нав Исус 7:15

Кор лоӧ аддзӧма Господьлы сиӧмтор босьтысь мортӧс, сотӧй биын сійӧс да ставсӧ, мый сылӧн эм. Ӧд сійӧ шогмытӧмтор вӧчис Израильын да торкис Господьлысь йитӧдсӧ, мый Сійӧ кӧрталіс тіянкӧд».

Нав Исус 7:25

Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.

Ӧксыяслӧн 1 небӧг 2:34

Офни да Пинес пияныд куласны ӧти лунӧ, и тайӧ лоӧ тэныд пас, мый Менам кывъясӧй инасны.