Левит 16:16 - Коми Библия 2023

¹⁶ Татшӧм ногӧн сійӧ сӧстӧммӧдас Вежасьыс-вежаинсӧ Израиль пиянлӧн пежсьыс да мыжсьыс. Израиль пиян пӧвстын сулалысь вежа чомсӧ мед ставнас сӧстӧммӧдас налӧн пежсьыс.

Левит 16:16 Iomraidhean Croise

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Левит 16:17

Мед некод оз ло вежа чомйын, кор Аарон пырас сэтчӧ, медым вештыны ассьыс, гортсаясыслысь да Израиль войтырлысь мыжсӧ. Кытчӧдз сійӧ оз пет вежа чомйысь, сэтчӧ мед некод оз пыр.

Левит 16:18

Вежа чомйысь петӧм бӧрын Аарон мед сувтас Господь водзын сулалысь висьпуктанін дорӧ да сӧстӧммӧдас сійӧс. Ӧш вирӧн да кӧза вирӧн мед мавтас висьпуктанінлысь сюръяссӧ быд боксянь.

Левит 23:27

«Сизимӧд тӧлысьлӧн дасӧд луныс – Мыж вештан лун. Сэки тіян мед лоас вежа чукӧртчӧм. Раммӧдчӧй-видзалӧй да вись вайӧй Господьлы.

Левит 8:15

Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Лыд 17:11

Мӧисей ставсӧ вӧчис Господьлӧн тшӧктӧм серти.

Лыд 28:15

Мыжысь вись пыдди вайӧй Господьлы ӧти ай кӧзаӧс. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Иоан 14:3

Ме дасьта оланін да бӧр локта босьтны тіянӧс Ас дінӧ, медым ті вӧлінныд Мекӧд.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.